2014ko martxoa

Behaketa Proposamenak

(Hilaren 29ra arte, gehitu ordu bat denbora ofiziala kalkulatzeko. Hilaren 30etik aurrera, gehitu bi ordu)

Begi hutsez

• Hilaren 1ean, 0:00etan, Eta Aquilae zefeida-motako izar aldakorraren distira maximoa; magnitudea 3,5etik 4,4ra aldatzen zaio 7,177 egunean behin. Hilaren 8an, 15ean, 22an eta 29an izango dira beste maximoak.
• Hilaren 1ean, 13:00etan, Perseusko Algol izar aldakorraren distira minimoa; 3,3tik 2,1era aldatzen zaio magnitudea. Hilaren 4an, 7an, 10ean, 13an, 15ean, 18an, 21ean, 24an, 27an eta 30ean izango dira beste minimoak.
• Hilaren 3an: 6:00etan, Delta Cephei izar aldakorraren distira maximoa; magnitudea 3,5etik 4,4ra aldatzen zaio 5,366 egunean behin. Hilaren 8an, 13an, 19an, 24an eta 30ean izango dira beste maximoak.
• Hil honetan, apirilaren hasiera bitartean, zerua behar bezain garbi eta ilun badago, argi zodiakala ikusi ahal izango da gauaren hasieran, Piscis, Aries eta Tauro hartzen dituela.
• Hilaren 25ean, 5:14an, Marte ikusi ahal izango da Virgoko Spiga izarraren ondoan, 4,8º-ra bakarrik. Planetaren distira 8 aldiz handiagoa izango da izarrarena baino.

Teleskopioarekin

• Hilaren 9an, 20:25etik 21:56ra,Ganimedesek eta Iok Jupiterren azalean proiektatutako itzalak ikusi ahal izango dira. Baita hilaren 16an ere, 22:21etik 0:37ra.
• Hilaren 18an, lau sateliteak ikusi ahal izango dira: Io, Europa, Kalisto eta Ganimedes, planetaren mendebaldean lerrokatuta.
• Hilaren 23an, 22:59tik 0:12ra, Ganimedes eta Io aldi berean igaroko dira Jupiterren diskoaren aurretik. Baita hilaren 31n ere, 0:57tik 3:10era.
• Hilaren 28ko gaua aparta izan daiteke Messierren maratoia egiten saiatzeko.

Ilargia Martxoan

(Hilaren 29ra arte, gehitu ordu bat denbora ofiziala kalkulatzeko. Hilaren 30etik aurrera, gehitu bi ordu)

	Eguna	Ordua	Behaketa
	01	08:00	Inauteriko Ilberria.
	04	17:46	Beheranzko nodotik pasatuko da.
	05	Gehieneko librazioa longitudean (l = 6,71º).
	07	02:47	Konjuntzio geozentrikoan Pleiadeekin, 6,8°-ra.
		21:55	konjuntzio geozentrikoan Taurusko Aldebaran izarrarekin, 2,1º-ra.
	08	13:27	Ilgora.
	10	10:37	Konjuntzio geozentrikoan Jupiterrekin, 5,2º-ra.
	11	19:57	Apogeotik pasatuko da (Ilargiaren eta Lurraren arteko distantziarik handiena): 405.396 km (aurreko perigeoan baino 44.961 gehiago).
	12	Gehieneko librazioa latitudean (b = 6,77º).
	16	17:10	Lurmendu ondoren lurra mugitzen duten harren Ilbetea. Hilaren 16an, ekialdeko horizontetik aterako da, Eguzkia sartu eta minutu batzuetara; eta hilaren 17an sartuko da mendebaldetik, Eguzkia ekialdetik ateratzen denean.
	18	21:00	Konjuntzio geozentrikoan Virgoko Spica izarrarekin, 1,7º-ra.
	19	01:07	Konjuntzio geozentrikoan Marterekin, 3,1º-ra.
	19	06:30	Goranzko nodotik pasatuko da.
	20	Gutxieneko librazioa longitudean (l = -5,62º).
	21	03:13	Konjuntzio geozentrikoan Saturnorekin, 0,3º-ra.
	22	07:08	Konjuntzio geozentrikoan Antaresekin, 8,1º-ra.
	24	01:47	Ilbehera.
	26	Gutxieneko librazioa latitudean (b = 6,72°).
	27	07:52	Konjuntzio geozentrikoan Artizarrarekin, 3,4º-ra.
	27	18:53	Perigeotik pasatuko da (Ilargiaren eta Lurraren arteko distantziarik txikiena): 365.703 km (aurreko apogeoan baino 39.693 gutxiago).
	30	18:46	Ilberria.

PLANETAK MARTXOAN (LURRAREN ORBITA-ABIADURA: 107.280 Km/h)

Merkurio (Gauaren amaieran ikusi ahal izango da, hilaren 10a baino lehen) Orbita-abiadura: 172.440 Km/h

Distiraren magnitudea 1 baino handixeagoa baino ez denez eta ekialde hego-ekialdeko horizontean gradu gutxi batzuk baino igoko ez denez, zaila izango da ikustea; bakarrik ikusi ahal izango da Eguzkia atera baino 45 minutu lehenago eta hilaren 10a baino lehen. 21 h eta 23 h bitarteko igoera zuzena. -14 eta -7º bitarteko deklinazioa. Aquariusen hasiko du hila, gero Capricornusera igaroko da, eta Aquariusera itzuliko da berriro. Magnitudea -0,7tik -0,2ra aldatuko zaio.

Artizarra (Egunsentia baimo lehen ikusi ahal izango da) Orbita-abiadura: 126.000 Km/h

Hilaren 1ean, Eguzkia atera baino bi ordu eta hogei minutu lehenago aterako da hego-ekialdeko horizontetik; eta hilaren 31n, berrogeita bost minutu lehenago. Ekliptikaren inklinazio handia dela eta, behaketa oso mugatua egongo da. 20 h eta 21 h bitarteko igoera zuzena. -16 eta -13° bitarteko deklinazioa. Saggitariusen hasiko du hila, gero Capricornusera igaroko da, Aquarius ukitu, eta berriro Capricornusera itzuliko da. Haren magnitudeak behera egingo du pixka bat, -4,6tik -4,3ra.

Marte (Gauaren bigarren zatian baino gehiagoan ikusi ahal izango da) Orbita-abiadura: 86.760 Km/h

Eguzkia sartu eta lau bat ordura aterako da hilaren 1ean; 31n, berriz, bakarrik ordu-erdi bat geroago. Hilaren 1ean hasiko du erretrogradazio-begizta. Oposizioaren aurreko hilabetea da; une egokia da behatzeko. Zortzi orduan ibiltzen du gure gaueko zerua, eta 35º baino gehiagora iragaten da meridianotik. 13 h-ko igoera zuzena. -8º eta -6º bitarteko deklinazioa. Hil osoan Virgon izango da. Magnitudea -0,7tik -1,3ra aldatuko zaio.

Jupiter (Gauaren lehen zatian baino gehiagoan ikusi ahal izango da) Orbita-abiadura: 47.160 Km/h

Hilaren 1ean, arratsaldearen hasieran aterako da. Hilaren 31n, goizean aterako da, eta hego-ekialdeko horizontean izango da gauaren hasieran. Distira gero eta txikiagoa du. Hilaren 6an amaituko du erretrogradazio-begizta Geminin. Satelite galileotarren itzalen iragate batzuk ikusi ahal izango dira. 7h-ko igoera zuzena. 23°-ko deklinazioa. Hil osoan Geminin izango da. Haren magnitudeak behera egingo du pixka bat, -2,4tik -2,2ra.

Saturno (Gauaren bigarren zatian ikusi ahal izango da) Orbita-abiadura: 34.560 Km/h

Eguzkia baino lehenago aterako da, 7 ordu inguruko tartearekin hilaren 1ean, eta 8 ordu inguru lehenago 31n. Hilaren 3an hasiko du urteroko erretrogradazio-begizta. Hilaren erdialdera, egunsentian, mendebaldeko horizontetik 30º-ra egongo da. Teleskopio batekin, planetaren itzala ikus daiteke, ipar-mendebaldeko eraztunen diskoan. 15 h-ko igoera zuzena. -16°-ko deklinazioa. Libran izango da hil osoan. Magnitudeak gora egingo du pixka bat, 0,4tik 0,3ra.

Urano (Eguzkitik hurbilegi dago behatu ahal izateko) Orbita-abiadura: 24.480 Km/h

Gauaren hasieran ikusteko aldia amaituko da. Hilaren erdialdera, arratsaldearen amaieran, mendebalde hego-mendebaldeko horizontetik 20º-ra izango da. 0 h-ko igoera zuzena. +4º-ko deklinazioa. Hil osoan Piscisen izango da. 5,9ko magnitudeari eutsiko dio.

Neptuno (Ezin izango da ikusi) Orbita-abiadura: 19.440 Km/h

22 h-ko igoera zuzena. -10º-ko deklinazioa. Hil osoan Aquariusen izango da. 8,0ko magnitudeari eutsiko dio.

Martxoko Beste Efemeride Batzuk

(Hilaren 29ra arte, gehitu ordu bat denbora ofiziala kalkulatzeko. Hilaren 30etik aurrera, gehitu bi ordu)

Informazio honetako kopia bat nahi baduzu, sakatu hemen.