Lagundu erratzaren Euskal Herriko banaketa mapa osatzen
Botanika / Hiritar zientzia, Komunikazioa eta dibulgazioa
Astelehena, 2025eko otsailaren 17a — CEST
— Testua: Aranzadi
Irakurketa: 2 minutu
Azkeneko urteetan, Aranzadi Zientzia Elkarteak arrakasta handiko hainbat hiritar zientzia kanpaina jarri ditu martxan, besteak beste: #txiobatputzuan, #txiobatbasoan, #sugebizi, #lilipa #polenbila eta #orkideabila. Urtea hasi berri den honetan, gure basoetan ohikoa den baino hainbat babes katalogotan dagoen erratza izango da protagonista.
Kanpaina hauetan herritarren laguntza eskatzen da, eta flora- eta fauna-espezieei buruzko xehetasun interesgarriak partekatzen dira. Ekarpen hauek alde batetik, fauna-espezieen jarraipena osatzen lagundu die Aranzadiko talde zientifikoei, sugeen kasuan bezala. Eta bestetik, flora-espezieen banaketa mapak egiteko datu baliagarriak lortu dituzte.
2025 honetan, Aranzadiko espezialista botanikoek sare sozialen kanpaina honen bidez erratzaren banatze mapa osatzeko laguntza eskatzen digute herritarrei. Horretarako, #erratza izena erabiliko da sareetan.
#erratza
Erratza landare dioikoa da, hots, landare arrak eta landare emeak ale ezberdinetan banatuta topatuko ditugu. Emeek, fruitu gorriak izango dituzte, eta arrek, aldiz, ez dute fruiturik izango. Garai honetan, ale fruitudunak zein fruiturik gabekoak elkarren ondoan aurki daitezkeenez, informazioa biltzeko garai aproposa da.
Aranzadik Twitterren, Blueskyn eta Mastodonen emandako datuak jasoko ditu. Sare horietan errusiera identifikatzen ikasteko jarraitu beharreko informazioa eta urratsak argitaratuko dira.
Otsailaren 17tik aurrera kanpaina hasiko da eta, beraz, mapa osatzera ausartzen direnek honako hau egin beharko dute. Horretarako, hurrengo pausuak jarraitu beharko dira:
- Erratza bat ikustean 2 argazki atera: landarea osotasunean eta bestea gertutik.
- Lekuaren koordenatu geografikoak gorde. Honetarako, nahikoa da telefonoan zure kokalekua une batez aktibatzea eta mapak dituen aplikazio bat zabaltzea (Google Maps, adibidez). Aplikazioan, zu agertzen zaren puntua zapalduta eduki eta gorde bertan agertzen diren koordenatuak, gero gurekin partekatzeko.
- Bluesky, Mastodon edo Twitter bidez argazkiak eta kokapena partekatu #erratza traola erabiliz.
Aranzadi Zientzia Elkarteko Botanika Sailak jasotako datu guztiekin erratzaren banaketa mapa sortuko du eta sare sozialetan partekatuko du proiektuaren emaitzen berri emateko.
