Urruneko behaketa astronomikoa

Donostiako Proam Kongresuaren baitan burutuko den jarduera hau Europlanet proiektuak finantzatu eta UPV/EHUko Zientzia Planetarioen Taldeko kideek gidatuko dute. Bertan, Calar Altoko (Almeria) Behatokiko 1.23m-ko diametrodun teleskopiora konektatu eta hainbat objektu astronomiko behatzen saiatuko gara (uneko meteorologiaren eta agerikotasunaren arabera); hala nola nebulosak, galaxiak, kometak eta exoplanetak. Behaketak egin bitartean, objektu mota bakoitzaren jatorri ohikoena eta ezaugarri nagusienak laburtuko ditugu, eta behaketa astronomiko profesional batean kontutan hartu beharreko pausu eta prozedura guztiak azalduko ditugu.