Agaricus arvensis
Herri izena
- Euskeraz: Elurbola
- Gazteleraz: Bola de nieve
Datu zientifikoak
- Klasea: Basidiomycota
- Generoa: Agaricus
- Espeziea: arvensis
- Egilea: Schaeff. 1774
- Jangarritasuna: Jangarria/Comestible
Deskribapen testua
Txapela: handia, 24 cm diametro bitartekoa, gaztetan gutxi gora-behera globo-formakoa edo moztutako konoaren formakoa, gero ganbil-laua, txapel-azal lodia,
bereizi daitekeena, hasieran zuria, horixka eta gero erdialde okrea, eta zahartzean okre-gorrixka samarra, leuna edo kolore bereko zuntzeskez edo ezkatez apainduta.
Orriak: hasieran ia zuriak, apur batean gris-arrosak, gero, heltzean, gris-more ilunak.
Hanka: 6-16 x 1,5-4 cm-koa, ia zilindrikoa, borra-formakoa edo oinarrian loditua, zuria, horixka, gero okre samarra, eskuarki leuna, zenbaitetan nabarra edo kotoi antzekoa oinarri aldean. Eraztuna goialdean eta bikoitza, eta beheko aurpegian gurpil horztun agerikoa.
Mamia: hasieran zuria edo horixka samarra, gero okre-gorrixka samarra, ilunagoa oinaren oinarri aldean. Anis usaina eta gero anis-almendra usaina. Schaefferren erreakzioa, positiboa.
Mikroskopia: esporak marroi-purpura espora-jalkinean, 6,5-8 x 4,5-5,5 μm-koak.
Basidioak mazudo samarrak, tetrasporikoak, (20)25-28 x 8-13 μm-koak.
Keilozistidoak ugari dira, borra motz formakoak, ia arrautza-formakoak, 12-20(25) x 8-13 μm-koak.
Habitat: udan eta udazkenean bildu ditugu nola belardi eta larreetan hala konifera-basoen ertzetan.
Jateko balioa: jangarria.
Argazkiak
Microscopiak / Mikrofitxak
