First Lego Leagueko parte-hartzaileek Aranzadi bisitatu dute arkeologian egiten den lana nolakoa den ezagutzeko

FIRST LEGO League Euskadik 17. edizioa martxan jarri du, eta honako erronka hau du: iragana lurpetik ateratzea etorkizuna deskubritzeko. Mundu osoko 650.000 ikasle baino gehiago eta Euskadiko 2.000 inguru elkarren aurka arituko dira FIRST LEGO Leaguek edizio honetarako diseinatutako honako erronka honetan: UNEARTHED (lurpetik ateratakoa). Euskadin bisita-programa baten bidez osatuko da ekimena, estatuan aitzindaria da eta Innobasque Berrikuntzaren Euskal Agentziak sustatu du. Programa horri esker, ikasleek aukera dute edizio honetako gaiari buruz ikertzeko. Programa honetan Euskadin arkeologiarekin lotutako zortzi kokagunetara 37 bisita egingo dira.

Hurrengo asteetan, Euskadiko 24 eskolatako Lehen eta Bigarren Hezkuntzako 800 ikasle inguruk aukera izango dute arkeologiaren esparruko aurrerapenak ezagutzeko eta STEM gaitasunen eta tresnen bidez aurkikuntzetan gehiago sakondu dezakegula ikusteko. Ekimen honen xedea da 9 eta 16 urte arteko gazteen bokazio zientifiko-teknologikoak modu dibertigarrian eta praktikoan sustatzea.

Euskadiko edizio berri hau Innobasque Berrikuntzaren Euskal Agentziak antolatu du, Deustuko Unibertsitatearekin, UPV-EHUrekin eta Mondragon Unibertsitatearekin batera. Gainera, honako hauen lankidetza du: Eusko Jaurlaritzako Hezkuntza Saila eta Zientzia, Unibertsitate eta Berrikuntza Saila, bai eta Bizkaiko, Arabako eta Gipuzkoako foru-aldundiak ere. Erakunde horiek guztiek konpromiso bat partekatzen dute: karrera zientifiko-teknikoekiko eta horiei lotutako gaitasunekiko konpromisoa esnatzea ikasleengan. Berrikuntza, esperimentazioa, pentsamendu kritikoa, talde-lana edo sormena esnatzea ikasleengan. FLL Euskadi Eusko Jaurlaritzaren STEAM Euskadi estrategiaren parte da.

Aurrekoa

Hurrengoa

Bisita inspiratzaileen programa

Azken 17 urteetan, FIRST LEGO League Euskadi STEAM (ingelesezko siglak: zientzia, teknologia, ingeniaritza, arteak eta matematika) Hezkuntzako erreferentziazko programa gisa finkatu da Euskadin, gainera, balio bereizgarri handia du: estatuan aitzindaria den prestakuntza-programa bat.

Edizio honetako programan 37 bisita egingo dira Euskadiko zortzi kokagunetara, eta hurrengo abenduaren 18ra arte gozatu ahalko dira:

• Lurperatutako misterioa (EXPLORE)

(Azaroak 4, 13, 15 eta 28) Arkeologia Museoa (Bilbo)

Arkeologia Museoan murgiltzeko bisita, Bizkaiko Historiaurrearen sekretuak deskubritzeko. Taldeak arkeologo bihurtuko dira egun batez: piezak induskatu, garbitu eta sailkatuko dituzte, Paleolitoa eta Neolitoa erreplika, bitrina interaktibo eta tailer praktikoen bidez esploratzen dituzten bitartean.

• Santimamiñe: milurteko paisaia

(Azaroak 4, 5, 6, 7, 21 eta 28) Santimamiñe (BizkaiKOA)

Santimamiñe kobazulo ospetsuan partaideek Euskadiko labar-artearen bihotzera bidaiatuko dute. Bisitak aztarnategi arkeologikorako sarbidea eta erreplika birtual bat konbinatzen ditu. Erreplika horri esker, aukera dago lurraldeko lehenengo biztanleak ingurune natural berezi eta babestu batean nola bizi izan ziren ulertzeko.

• Plazaren Bihotzean. Iragana oinen azpian

(Azaroak 4, 7, 8, 11 eta 14) Bilboko Berrigenen Museoa

Esperientzia honek erakusten du hiri-arkeologiak gure hirien azpiko ezkutuko historia azaleratzen duela. Mariaren Bihotza plazako aztarnategian, taldeek zuzenean ezagutuko dituzte hiri-ingurunean industearen eta Bilboko lurpeko ondarea berreskuratzearen erronka tekniko eta zientifikoak.

• Erroma, “gure historiaren influencerra”

(Azaroak 4, 5, 6 eta 7) Arabako Arkeologia Museoa, BIBAT

Erromak gure eguneroko bizitzan utzi zuen aztarna ulertzeko proposamen ludikoa eta hezitzailea. Bisita interaktibo baten eta tailer baten bidez, partaideek erromatar munduaren usadioak, asmakizunak eta ohiturak deskubrituko dituzte, eta euren klepsidra ere egingo dute, duela 2.000 urteko ur-erlojua.

• Iruña-Veleia: Abentura arkeologikoa!

(Azaroak 4, 5, 6 eta 7) Iruña Veleia (BIBAT)

Euskadiren erromatar iraganerako bidaia, eskualdeko kokagune arkeologiko garrantzitsuenetako bat esploratzeko. Arkeologoek nola lan egiten duten ikasten dute taldeek (indusketatik kontserbaziora), bai eta Inperioko antzinako hiri bateko eguneroko bizitza deskubritu ere.

• Aurkikuntzatik museora: aurkikuntza baten bidaia

(Azaroak 14 eta 15 eta abenduak 18) Arkeologia Museoa (Bilbo)

Bisita honetan, taldeek aztarna arkeologiko baten ibilbide osoa jarraitzen dute: aztarnategian aurkitzen denetik museoan erakusten den arte. Historia berreraikitzeko eta jendearentzat eskuragarri jartzeko aukera ematen duten zaharberritzeko, kontserbatzeko eta museografiako prozesuak ezagutzen dituzte.

• Misterioak argitzen arkeologoen etxean

(Azaroak 18 eta 25) Aranzadi Zientzia Elkartea

Euskal arkeologiaren historia bizian murgiltzea, Irulegiko eskua edo Ekaingo pinturak bezalako aurkikuntzak gertatu ziren tokian. Taldeek Aranzadiko egoitza bisitatuko dute eta iraganeko aztarnak lurpetik ateratzen egunero lan egiten duten arkeologoekin hitz egingo dute.

• Bidaia sentsoriala Historiaurrera eta biziraupen teknikak

(Abenduak 3) Ekainberri

Ekaingo kobazuloan zehar egindako zentzumen anitzeko ibilbidea, Historiaurreko gizakiak nola bizi ziren esperimentatzeko. Partaideek duela 14.000 urte bezala sua pizten, margotzen edo ehizatzen ikasiko dute eta Munduko Ondare izendatuta dagoen haitzuloaren erreplika bisitatuko dute, Kuaternarioko labar-arte enblematikoena ezagutzeko.

Aurtengo programa FIRST LEGO League Euskadi txapelketarekin amaituko da. 2026ko otsailaren 28an egingo da Bilbon, Donostian, Arrasaten eta Vitoria-Gasteizen.

FIRST LEGO Leagueri buruz

FIRST LEGO League nazioarteko hezkuntza-programa da, gazteen artean bokazio zientifiko-teknikoak sustatzera bideratua eta urtero 110 herrialdetako 679.000 gaztek parte hartzen dute. Euskadin, ekimenak FIRST LEGO League Euskadi izena du eta Innobasque Berrikuntzaren Euskal Agentziak sustatzen du, Deustuko Unibertsitatea, Euskal Herriko Unibertsitatea eta Mondragon Unibertsitatearekin batera, eta estatuan aitzindaria den prestakuntza-programa bat dauka. Programa horretan, tailerren eta bisiten bidez, ikasleek zuzenean ezagutzen dituzte planteatutako erronkarekin lotutako enpresak eta erakundeak. Mundu mailan, programak urtero erronka bat planteatzen du eta erronka hori zientziaren eta teknologiaren bidez ebatzi behar da.

Mezenasgoa

Enpresen eta erakundeen laguntzari esker, gure gizarteari eta natura-inguruneari aurrera eginarazten dioten proiektuetan lanean jarraitzeko aukera dugu.

Bere babesa eman diguten erakundeak:

Informazio gehiago