Beasaingo Jentila
Jentilbaratzan bizi zen jentil bat Lazkaora jeitsi zen, gizon batekin
lehiatzeko asmoz. Izan ere, jentilek noizbehinka kristauei erronka
botatzea atsegin zuten eta. Lazkaon, berriz, ume bat besterik ez
zuen aurkitu. Honek, berarekin borrokatzeko tamaina ez zuela eta
gizon indartsuak topatzeko Beasaingo burdinolara joan behar zuela
esan zion. Hara joan zen erraldoia. Beasaingo olagizonak, berriz,
kurrikak gori-gorian hartu eta sudurra errotik erauzi zion jentilari,
zera esanez: “bi behatz baino ez ditut erabili, pentsa ba
zer egingo nizuken hamarrak erabiliez gero”. Jentila apal-apal
itzuli zen Jentilbaratzara, kristauekin gehiago lehiatzeko gogorik
gabe.
|