Megacollybia platyphylla
Herri izena
- Euskeraz: Kolibia sustraitsua
- Gazteleraz: Colibia de sombrero estriado
Datu zientifikoak
- Klasea: Basidiomycota
- Generoa: Megacollybia
- Espeziea: platyphylla
- Egilea: (Pers.) Kotl. & Pouzar 1972
- Jangarritasuna: Balio gabea/Sin valor
Deskribapen testua
Basidioma: 5-13 cm-ko Ø-ko txapela, ganbila, gero zabaldua eta lautua, gris-marroia edo oliba-marroia, ilunagoa erdialdean, ertz bildua. Kutikula erradialki pitzatua eta haritsu txiki ilunez estalia.
Orriak: oso zabalak, tartekatuak, lodiak, adnatuak, zuritik krema-zurira.
Hanka: 7-13 x 1-3 cm-koa, zilindrikoa, sendoa, haritsua, zuritik gris-beixera, loditua oinean, non mizelioko hari luzeak agertzen diren sustrai itxuraz.
Mamia: mehea, zuria, zaila. Usain zehaztugabea eta zapore garratz samarra.
Mikroskopia: esporak piloan krema-zuriak, eliptikotik sasiglobo formara, leunak, hialinoak, gutuladunak, 7-10 x 5-7 µm-koak.
Habitat: oso arrunta udan eta udazkenean koniferoen eta hostozabalen azpian, zuhaitz zaharren motzondoetan edo sustraietan. Leku hezeetan ateratzen da.
Jateko balioa: ez da jangarria.
Argazkiak
Microscopiak / Mikrofitxak
