Lepiota oreadiformis
Herri izena
- Euskeraz: Galanperna leuna
- Gazteleraz:
Datu zientifikoak
- Klasea: Basidiomycota
- Generoa: Lepiota
- Espeziea: oreadiformis
- Egilea: Velen. 1920
- Jangarritasuna: Pozoitsua/Venenosa
Deskribapen testua
Txapela: diametroa 3-5 cm artekoa. Hasieran kanpai-itxura du eta gero ganbila edo lautua bihurtzen da erdian titi zabala garatu arte. Azala lehoi-kolorekoa edo gorrizta izaten da erdian eta ertza, aldiz, argiagoa izaten du; zurikrema kolorekoa eta eraztunen arrasto zurien eraginez oxkarratua.
Orriak: zuriak dira, askeak eta hertsiak.
Hanka: tamaina 4-9 x 0, 4-0,8 cm artekoa. Zilindrikoa da, oinarrian lodiagoa. Eraztunaren gainetik zurixka izaten da eta oinarrian azala ezkata haritsuez apaindua izaten du. Eraztuna galkorra da eta txapelari itsatsita dagoenean bakarrik ikusten da.
Mamia: mehea eta hauskorra da, txapelekoa zuria eta hankakoa arrosa-kolorekoa. Usain eta zapore oso ahulak.
Mikroskopia: espora-jalkina krema kolorekoa, espora eliptikoa, 10-14 x 4,5-6 μm.
Habitat: udan eta udazkenean hazten da belardietan edo basoertzetako belardietan.
Jateko balioa: oso pozoitsua da.
Marasmius oreades espeziearekin nahas daiteke, baina hau borobilean jarritako talde handiak osatuz hazten da eta ez talde txikiak osatuz; orriak oso bakunak ditu, ez du eraztunik eta hanka oso elastikoa du.
Argazkiak
Microscopiak / Mikrofitxak
