Lenzites betulinus
Herri izena
- Euskeraz: Ardagai mehea
- Gazteleraz: Lenzites del abedul
Datu zientifikoak
- Klasea: Basidiomycota
- Generoa: Lenzites
- Espeziea: betulinus
- Egilea: (L.) Fr. 1838
- Jangarritasuna: Balio gabea/Sin valor
Deskribapen testua
Basidioma: fruitu-gorputz hankagabea, giltzurrun edo zirkuluerdi formakoa, 5-12 cm-ko Ø eta 1 cm arteko lodiera. Azal ilelatza, ilupaduna edo belusatua, zona zentrokideak dituena, krema-zuria, grisaxka edo arre gorrixka. Zenbaitetan likenek estaltzen dute, kolore berdexka emanez.
Himenoforoa: erradialki jarritako orri lodiek eratua, gutxi estutuak eta batzuetan ia tartekatuak, anastomosatuak, zurixkak edo krema grisaxkak.
Mamia: haritsua, larrukara, zaila, zurixka, orriak baino argiagoa. Usain eta zapore nabarmenik gabea.
Mikroskopia: esporak piloan krema zurbilak, eliptikotik zilindrikora, leunak, hialinoak, apur bat kakotuak, 4,5-6,5 x 2-3 µm-koak.
Habitat: oso espezie arrunta urte osoan, hostozabalen egurrean ateratzen da batez ere. Oso gutxitan koniferoetan.
Jateko balioa: ez da jangarria.
Argazkiak
Microscopiak / Mikrofitxak
