Cyathus striatus
Herri izena
- Euskeraz: Habia ildaskatua
- Gazteleraz: Ciato estriado
Datu zientifikoak
- Klasea: Basidiomycota
- Generoa: Cyathus
- Espeziea: striatus
- Egilea: (Huds.) Willd. 1787
- Jangarritasuna: Balio gabea/Sin valor
Deskribapen testua
Basidioma: 7-15 mm-ko altuerako fruitu-gorputza, alderantzizko kanpai formakoa. Gaztetan epifragma zurixka batez estalia. Umotzean hura erori, eta agerian geratzen da barrualdea, luzeka ildaskatua eta arre grisaxka. Peridioloak lauak, zurixkak eta dilista formakoak dira eta barruan esporak dituzte. Kanpoaldea arre ilun koloreko ile kizkurrez osatua da.
Mikroskopia: esporak eliptikoak, hialinoak, 15-20 x 8-11 µm-koak.
Habitat: arrunta udaberrian eta udazkenean egur hilean, landareen hondarretan edo hosto usteletan.
Jateko balioa: ez da jangarria.