Scleroderma areolatum
Datu zientifikoak
- Klasea: Basidiomycota
- Generoa: Scleroderma
- Espeziea: areolatum
- Egilea: Ehrenb. 1818
- Jangarritasuna: Balio gabea/Sin valor
Deskribapen testua
Basidioma: 1-4 cm-ko Ø-ko karpoforoa, globo edo sasiglobo formakoa, peridio bakunarekin, mehea, arre-hori koloreko ezkata estutuek estalia hondo zuri horixkaren gainean. Umotzean, zulo irregularra irekitzen da muturrean, esporak kanporatzeko.
Hanka: motza edo ia ezdeusa, mizelioko lokarriak dituena.
Gleba: zuria gaztetan, gero marroi belzkara zuriz zerrendatua, eta umotzean hauts itxurakoa.
Mikroskopia: esporak globo formakoak, arantzadunak, 9-14 µm-koak.
Habitat: arrunta udazkenean hostozabalen basoetan.
Jateko balioa: ez da jangarria.