Faunaren jarraipena egiten duten 30 aditu baino gehiago bildu dira Aranzadin, Pirinioetako klima-aldaketa aztertzeko

Interreg proiektu honen helburu nagusia da mugaz gaindiko harmonizazioa bultzatzea faunari buruzko datuak biltzeko eta klima-aldaketarekiko sentikorrak diren Pirinioetako espezie jagoleen espazio- eta denbora-banaketaren aldaketaren garrantzia neurtzen duten adierazleak garatzeko.

Pirinioetako klima-aldaketaren aurrean fauna adierazlea monitorizatu

Espezie batzuk bereziki sentikorrak dira klima-aldaketarekiko, eta, haien monitorizazioaren bidez, klima-aldaketak Pirinioetako fauna osoan eta, azken batean, mendigune horretako biodibertsitatean duen eragina neur daiteke. Horri espezie zentinela esaten zaio.

Horretarako, kontuan izan behar da mendiak direla klima-aldaketak gehien mehatxatzen dituen habitatetako bat.

Prezipitazio- edo tenperatura-erregimenen aldaketek eragin oso handia dute mendiko ekosistemetan eta bertako faunan, giro hotzetara egokitutako biodibertsitate-elementuak baitira. Aldaketa horien ondorioz, espezie horien banaketa-eremuan, populazio-tamainetan edo portaeran aldaketak gertatzen dira.

Goi-mendiko hegaztiak

Horren adibide dira tenperatura baxuko eta glaziarretako eremuetan bizi diren goi-mendiko hegaztiak. Klima-aldaketari aurre egiteko, eremu altuagoak kolonizatu ohi dituzte, baina, kasu horretan, kota maximora iritsita daudenez, populazioek behera egiten dute.

Espezie zentinelen adibide batzuk:

HEGAZTIAK:

Elur eperra, basoilarra, elur-txonta, txinbo Kaskabeltza.

TXIMELETAK:

Apolo tximeleta, Urrezko gorringoa.

ANFIBIOAK

Igel piriniarra, uhandre alpetarra.

MAMIFEROAK:

Muturluze piriniarra eta marmota.

Parte-hartzaileak

Mintegi honetan parte hartu duten adituak erakunde publiko eta elkarte pribatuetatik datoz: Euskadi (Aranzadi), Katalunia (Generalitatea eta ICO), Nafarroa (Gobernua eta UNAV), Aragoi (, IPE- CSIC, OPCC-CTP, Ordesa-Viñamala), Frantzia (LPO, Nature en Occitanie, Societé herpétologique française).

Proiektuko bazkide diren erakundeak:

Aranzadi Zientzia Elkartea taldeburu;

Ordesa Viñamala Biosfera Erreserbaren Partzuergoa;

Institut Català d 'Ornitologia;

Ligue pour la Protection des Oiseaux - Délégation Territoriale Aquitaine;

Klima Aldaketaren Pirinioetako Behatokia (OPCC)

Pirinioetako Lan Elkartea (CTP);

ANA Conservatoire d 'Espaces Naturels Ariège.

Elkartua:

Nature en Occitanie.

INBIOPYR (EFA020/01) proiektua % 65ean finantzatu du Europar Batasunak, Interreg VI-A Espainia-Frantzia-Andorra (POCTEFA 2021-2027) programaren bidez. POCTEFAren helburua Espainia-Frantzia-Andorra mugaren integrazio ekonomiko eta soziala indartzea da.

Mezenasgoa

Enpresen eta erakundeen laguntzari esker, gure gizarteari eta natura-inguruneari aurrera eginarazten dioten proiektuetan lanean jarraitzeko aukera dugu.

Bere babesa eman diguten erakundeak:

Informazio gehiago