Ornitho plataformaren aurkezpena

Ornitho.eus herritarren partaidetzari irekia dagoen zientzia ataria da eta Euskal Autonomia Erkidegoko naturari buruzko informazioa biltzeko eta zabaltzeko helburua dauka. Plataforma hau Aranzadi Zientzia Elkarteak kudeatzen du, Eusko Jaurlaritzaren babesarekin, eta Gipuzkoako Foru Aldundiaren eta beste hainbat eragileren laguntza jaso du, horien artean, Euskal Kostaldeko Geoparkea.

Ornitho plataformaren bitartez, bizidun-taldeen aipuak erregistra daitezke. 2015ean esaterako, 65.000 aipu erregistratu ziren, hegaztienak gehienak. Baina badira, baita ere, anfibioak, narrastiak, ugaztunak, itsas ugaztunak, burruntziak, tximeletak, Asiako liztorra eta zebra-muskuilua. Mugikorretik aritzeko app-a ere martxan da: Naturalist (Android gailuetarako).

Plataforma aurkezteko eta bere funtzionamendua azaltzeko asmoz, jardunaldi teknikoa antolatu dugu Zumaiako Algorri Interpretazio Zentroan. Jardunaldia maiatzaren 5ean izango da, arratsaldeko 18:30ean. Parte hartzea irekia eta doakoa da. Gonbidatuta zaudete!