Praktikak eskeintzen dira ornitologia sailean

Aranzadi Zientzia Elkarteko Ornitologia Sailak Txingudiko Eraztuntze Estazioan praktikak eskaintzen ditu udararako.

Noiz?

Abuztuaren 1etik Iraialren 30 arte. 15 egunetako boluntariotza txandak antolatuko dira (abuztuaren 1 etik-15 arte, abuztuaren 16tik-31arte, irailaren 1etik-15arte eta irailaren 16tik-30arte).

Non?

Txingudiko (Gipuzkoa) paduran, Hondarribiako udalerrian. Aranzadi Zientzia Elkartea arduratuko da ostatua ematen. Beste motatako gastuak norberak hartuko ditu bere gain.

Praktikaren edukia

Jaizubiako paduran gertatzen diren migrazio posnupzialen eraztuntze kanpainan parte hartzea izango da praktika hauen helburua. Kanpaina hau 2006.urtetik aurrera egiten da, Aranzadiko Ornitologia Sailaren eskutik. Txingudi nazioarte mailan hegaztien migrazio gune garrantzitsuenetakoa da eta kanpainan zehar hartzen diren espezieak honakoak izaten dira: benarriz arrunta, urretxindor papourdina, martin arrantzalea… Eraztuntzaile titulua lortzeko aukera ezinhobea da, edo eta master edo doktoretza tesia egin nahi dutenentzat lan taldea gertutik ezagutzeko.

Informazio gehiago eskuratzeko eta izena emateko: Juan Arizaga (jarizaga@aranzadi.eus).

ARGAZKIA: JUAN ARIZAGA