La Casa de las Ciencias Aranzadiko 75 urteko historia biltzen du

Joan den asteazken arratsaldean, Aranzadi Zientzia Elkarteak bere 75 urteko historia jasotzen duen liburua aurkeztu zuen.

Aurkezpen hau Aranzadik bere 75. urteurrena ospatzeko antolatu dituen jardueren barruan kokatu da, eta oraingoan Eneko Goia alkatea joan zen erakunde zientifikoaren instalazioetara. Elkarteko egoitza galaz jantzita, Donostiako Udaleko ordezkaria jaso zuen.

Aurrekoa

Hurrengoa

Bi urte baino gehiagoko ikerketa

Ekitaldian zehar bi altxor aurkeztu ziren, Aranzadiko Lehendakariak azaldu zuen bezala. Alde batetik, La Casa de las Ciencias liburua, 13 liburuki dituena, 12 Aranzadin aztertzen den ikerketa-arlo bakoitzeko, eta Aranzadiren historia orokorraren liburuki bat. Oso edizio grafikoa da, koloretako eta zuri-beltzeko 2.500 argazki biltzen dituena. Material grafiko hori guztia Aranzadiren eta beste eragile zientifiko eta kultural batzuen funts historiko eta fotografikoetan egindako ikerketa bati esker bildu da. Gainera, erakundeko bazkide aktibo ia guztiei elkarrizketak egin zaizkie. Ikerketa lan honek bi urte iraun du eta Javier Barajas idazleari enkargatu zaio.

Aurkezpenean, Barajasek azaldu zuen “ehun elkarrizketa baino gehiago egin direla, eta bertan, bazkideek, talde zientifikoek eta etxe honetako langileek Aranzadiko bizipenak xeheki azaltzen dituzte. Testigantza horiek narrazioari gihar eta nerbio bat ematen diote, gure ustez liburuen irakurketa askoz erakargarriagoa eta biziagoa egiten duena, gizartean bere ibilbidean zehar egin dena hobeto ulertzeko aukera emateaz gain, egin den bezala ulertzeko aukera ematen digulako”.

Oteiza bat Donostiako Udalarentzat

Bertan aurkeztu zen beste altxorretako bat Jorge Oteiza eskultoreak egindako Aita Donostiaren miniaturazko erreplika izan zen, benetazkoa Agiñan (Lesaka) dagoena. Pieza monumental hau 50eko hamarkadako Aranzadi Taldeak Jorge Oteiza eskultoreari enkargatu zion Aita Donostia euskal musikologo eta etnografoa omentzeko.

Aranzadiko lehendakariak azaldu zuenez, “opari honekin Aranzadi Elkarteari beti lagundu dion udal bati eskerrak ematea zen asmoa”, Aranzadi San Telmo Museoaren egoitzan kokatzen zen hasieratik eta beti izan du Donostiaren babesa.

Lourdes Herrasti Aranzadiko lehendakariordearen hitzaldi hunkigarri batekin amaitu zen ekitaldia, eta bertan zeudenei gogorarazi zien erakundeak bere instalazioak hobetzeko duen premia larria. Eraikina elkartea bera baino zaharragoa da, 113 urte baititu, eta hobekuntza batzuk behar ditu Aranzadi ikerketa zientifikoen Europako elitean mantentzeko eta egia zientifikoari emandako bilatzaile izaten jarraitzeko. Gainera, Herrastik Aranzadiren 75.urtebetetzearen leloa gogoratu zuen: Ez dago etorkizunik zientziarik gabe, ez iraganik memoriarik gabe.

Iñigo Ariztegiren koadro bat Aranzadi Zientzia Elkartearentzat

Donostiako alkateak sopresa eman zuen ekitaldian zehar opari polit bat emanez Elkartearen 75. urteurrenean. Zehazki, Iñigo Aristegui artista donostiarraren margolan bat.

Ekitaldia Migel Zeberiok zuzentzen duen Et Incarnatus taldeak girotu zuen.

Liburuen prezioa 100 eurokoa da eta online eskatu daiteke aranzadiko webgunetik edo zuzenean Aranzadira deituta.