Collybia cookei
Datu zientifikoak
- Klasea: Basidiomycota
- Generoa: Collybia
- Espeziea: cookei
- Egilea: (Bres.) J.D. Arnold 1935
- Jangarritasuna: Balio gabea/Sin valor
Deskribapen testua
Basidioma: 2-10 mm-ko Ø-ko txapela, hasieran ganbila, amaieran laua, gardentasunez ildaskatua, zuri kremakara kolorekoa titi ilunagoaz.
Orriak: itsaskorrak, tartekatuak, estuak, txapela baino apur bat argiagoak.
Hanka: zilindrikoa, okrekara argia, goialdean estutua. Erdi lurperatutako esklerozio okrekara batean ateratzen da.
Mamia: urria, zurixka, zapore eta usain nabarmenik gabea.
Mikroskopia: esporak eliptikoak, hialinoak, 3,5-5 x 2,5-3,5 µm-koak.
Habitat: udazkenean hostozabalen basoetan ateratzen da.
Jateko balioa: ez da jangarria.