Hymenopellis radicata
Herri izena
- Euskeraz: Kolibia erroluzea
- Gazteleraz: Colibia de raíz larga
Datu zientifikoak
- Klasea: Basidiomycota
- Generoa: Hymenopellis
- Espeziea: radicata
- Egilea: (Relhan) R.H.Petersen, 2010
- Jangarritasuna: Balio gabea/Sin valor
Deskribapen testua
Basidioma: 3-12 cm-ko Ø-ko txapela, hasieran ganbila eta gero lautua, titiduna. Ertz ildoduna. Kutikula zimurra edo tolesduna, oso lirdingatsua giro hezean, arretik beix zurbilera.
Orriak: tartekatuak, zabalak, lodiak, itsaskorrak, zuriak edo apur bat arrosak, kolore berekoak ertzean.
Hanka: 5-15 x 0,5-1,5 cm-koa, zurixka, zurruna, laua, zuzena, estutua goian eta loditua oinean. Sustrai oso sakona du eta osorik ateratzen saiatuz gero erraz puskatzen da.
Mamia: mehea, zuria, haritsua batez ere hankan. Usain eta zapore arina edo garratz samarra.
Mikroskopia: esporak piloan krema-zuriak, eliptikoak, leunak, hialinoak, gutuladunak, 11-16 x 9-11 µm-koak.
Habitat: oso arrunta udaberritik udazkenera, hostozabalen egur hilean, motzondoetan eta sustraietan ateratzen da, batik bat Fagus eta Quercusean.
Jateko balioa: ez da jangarria.