Pluteus cervinus
Herri izena
- Euskeraz: Pluteo marroia
- Gazteleraz: Plúteo cervino
Datu zientifikoak
- Klasea: Basidiomycota
- Generoa: Pluteus
- Espeziea: cervinus
- Egilea: (Schaeff.) P. Kumm. 1871
- Jangarritasuna: Balio gabea/Sin valor
Deskribapen testua
Basidioma: 6-12 cm-ko Ø-ko txapela, hasieran kanpai formatik ganbilera, gero zabaldua eta lautua, titiduna. Azal laua, apur bat zimurra, distiratsua, lirdingatsu samarra giro hezean, marroia, ilunagoa erdialdean, haritsu erradial txikiak dituena. Ertz zorrotza eta ildoduna.
Orriak: estutuak, askeak, zuriak, arrosara aldatzen direnak esporak umotzean.
Hanka: 5-10 x 0,5-2 cm-koa, zilindrikoa, estutua goialdean, makotua, hauskorra, hutsa, txapeletik erraz bereizten dena, zuria haritsu marroi txikiekin.
Mamia: zuria eta oso hauskorra. Zapore gozoa eta errefau usaina.
Mikroskopia: esporak piloan arrosakarak, eliptikoak, hialinoak leunak, zenbaitetan gutuladunak, 6,5-8 x 5-6 µm-koak.
Habitat: oso arrunta udan eta udazkenean, usteltzen ari diren koniferoen eta hostozabalen enborretan eta adarretan ateratzen da.
Jateko balioa: ez da jangarria.