Macrolepiota procera
Herri izena
- Euskeraz: Galanperna jangarria
- Gazteleraz: Apagador
Datu zientifikoak
- Klasea: Basidiomycota
- Generoa: Macrolepiota
- Espeziea: procera
- Egilea: (Scop.) Singer 1948
- Jangarritasuna: Jangarria/Comestible
Deskribapen testua
Basidioma: 10-30 cm-ko Ø-ko txapela, globo formakoa eta oboidea, gero zabaldua, titiduna. Ertz oxkarduna. Kutikula lehorra, matea, xerlo marroi irregularrak dituena hondo gris-arrosaren gainean.
Orriak: bananduak hankean, sabeldunak, zurixkak.
Hanka: 10-40 x 1-2,5 cm-koa, zilindrikoa, hutsa, haritsua, berezko zonatzea sigi-sagan hondo argiagoaren gainean, 4 cm arteko erraboila. Eraztun zabala, bikoitza eta hankan irrist egiten duena.
Mamia: zuria, aldaezina, haritsua hankan. Intxaur zaporea eta usain suabea.
Mikroskopia: esporak piloan zuriak, eliptikoak, leunak, horma lodikoak, ernetze porodunak, 12-18 x 8,5-11 µm-koak.
Habitat: oso arrunta udan eta udazkenean hostozabalen nahiz koniferoen basoetako soilguneetan eta larreetan.
Jateko balioa: ongi prestatuz gero jangarria, behin edo beste pozoitze arinak eragin izan ditu. Hanka ez da jaten haritsua delako.