Hebeloma sinapizans
Herri izena
- Euskeraz: Arbiki falkaduna
- Gazteleraz: Hebeloma de olor a rábano
Datu zientifikoak
- Klasea: Basidiomycota
- Generoa: Hebeloma
- Espeziea: sinapizans
- Egilea: (Paulet) Gillet 1878
- Jangarritasuna: Pozoitsua/Venenosa
Deskribapen testua
Basidioma: 5-15 cm-ko Ø-ko txapela, ganbila, gero zabaldua, titi zabal eta kamutsekoa. Nekez bereizten den kutikula, lirdingatsua giro hezean, krema, krema-arrosa, arre arrosakara edo gorrixka kolorekoa, argiagoa ertzean. Ertz laua, hasieran bildua eta gero kizkurra.
Orriak: maxurratuak, erdi estutuak, hasieran krema kolorekoak eta gero kanela-arreak, argiagoak ertzean.
Hanka: 5-12 x 1-2,5 cm-koa, zilindrikoa, sendoa, hutsa, txapela baino zurbilagoa, ezkata txikiak dituena. Ebakitzean berezko mihi triangeluarra agertzen da hankaren goialdean.
Mamia: lodia, zurixka eta trinkoa. Oso zapore garratza eta errefau usain sarkorra.
Mikroskopia: espora piloan tabako kolorekoak, amigdala formakoak, garatxodunak, 10-13,5 x 6,5-8 µm-koak.
Habitat: urria, udan eta udazkenean ateratzen da hostozabalen azpian gehienetan, eta tarteka koniferoen azpian.
Jateko balioa: toxikoa. Urdail eta hesteetako nahasmen larriak eragin ditzake.
Argazkiak
Microscopiak / Mikrofitxak
