Russula virescens
Herri izena
- Euskeraz: Gibelurdina
- Gazteleraz: Seta de cura
Datu zientifikoak
- Klasea: Basidiomycota
- Generoa: Russula
- Espeziea: virescens
- Egilea: (Schaeff.) Fr. 1836
- Jangarritasuna: Jangarria/Comestible
Deskribapen testua
Basidioma: 4-10 cm-ko Ø-ko txapela, hemisferikoa eta globo formakoa, gero lau-ganbila, erdialdean zapaldua. Ertz ildoduna amaieran. Kutikula matea, oso lehorra baita giro euritsuan ere, berehala pitzatzen dena, berezko kuprits-berde kolorekoa, zenbaitetan ia zuria.
Orriak: zuritik krema-zurira, isla arrosekin, estutuak, hauskorrak, askeak, zenbaitetan orban arreak edo gorrixkak dituztenak.
Hanka: 4-9 x 1,5-3 cm-koa, zuria, zilindrikoa, oinean estutua, zimurra, gaztetan betea eta gero leizetsua.
Mamia: trinkoa, apurkorra, zuria. Fruta usain arina eta zapore gozoa.
Mikroskopia: esporak piloan zuriak, elipsoidalak, apur bat garatxodunak, 6-9 x 5-6,5 µm-koak.
Habitat: arrunta udan eta udazkenean hostozabalen azpian, Quercus, Fagus eta Castanean gehienetan. Azken urteetan gainbehera egin duenez, babestu beharreko espezietzat hartzen da.
Jateko balioa: jangarri ona.