Stereum hirsutum
Herri izena
- Euskeraz: Azal horia
- Gazteleraz: Estéreo peludo
Datu zientifikoak
- Klasea: Basidiomycota
- Generoa: Stereum
- Espeziea: hirsutum
- Egilea: (Willd.) Pers. 1800
- Jangarritasuna: Balio gabea/Sin valor
Deskribapen testua
Basidioma: fruitu-gorputz hankagabea, azpikoz goratua edo txapel teilakatuak eratuz. Azpikoz goratua denean, xafla biribilak eratzen ditu egurrean, eta horiek elkartzean hainbat cm-ko azalera estaltzen dute. Txapelak oskol formaz handitzen direnean, azalak zona zentrokideak ditu eta gris argi koloreko ile latz kizkurrak.
Himenoforoa: laua edo apur bat zimurra, horia.
Mamia: larrukara, usain eta zapore nabarmenik gabea.
Mikroskopia: esporak eliptikoak, hialinoak, 5,5-7 x 2-3,5 µm-koak.
Habitat: arrunta urte osoan hostozabalen egur hilean.
Jateko balioa: ez da jangarria.