Hydnoporia tabacina
Herri izena
- Euskeraz: Azalilun urterokoa
- Gazteleraz:
Datu zientifikoak
- Klasea: Basidiomycota
- Generoa: Hydnoporia
- Espeziea: tabacina
- Egilea: (Sowerby) Spirin, Miettinen & KH Larss., 2019
- Jangarritasuna:
Deskribapen testua
Basidioma: fruitu-gorputza azpikoz goratua edo efusu-erreflexua, substratuari itsatsia baina erraz bereizten dena. Xafla isolatu eta biribilduetan hazten da, eta, elkartu ahala, hainbat cm luze eta 0,5-1 mm lodi diren azalerak eratzen ditu.
Himenoforoa: himenioko azala laua da edo apur bat garatxoduna, matea, meheki ilupaduna, kizkur zentrokideak dituena, tabako-marroi edo herdoil-marroi kolorekoa. Ertz irregularra, hasieran urre-horia eta zahartzean okre zurixka.
Mamia: mehea, gris-marroia, trinkotasun larrukara eta zaila, pitzatua giro lehorrean. Usain eta zapore nabarmenik gabea.
Mikroskopia: esporak piloan horixkak, zilindrikoak, alantoideak, leunak, hialinoak, 5-6,5 x 1,5-2 µm-koak.
Habitat: espezie urria, urte osoan ateratzen da hostozabalen egur hilean, Corylus eta Salixean batik bat.
Jateko balioa: ez da jangarria.
Argazkiak
Microscopiak / Mikrofitxak
