Polyporus tuberaster
Herri izena
- Euskeraz: Ardagai ezkatatsu txikia
- Gazteleraz: Políporo de Forquignon
Datu zientifikoak
- Klasea: Basidiomycota
- Generoa: Polyporus
- Espeziea: tuberaster
- Egilea: (Jacq. ex Pers.) Fr. 1821
- Jangarritasuna: Balio gabea/Sin valor
Deskribapen testua
Basidioma: 4-10 cm-ko Ø-ko txapela, ganbila, gero zabaldua, zapaldua edo inbutu formakoa, horixkatik krema okrera. Haritsu edo ezkata ilun zentrokideek eta zartatuek estalia. Ertz mehea eta inkurbatua.
Hodiak: motzak, zuriak, dekurrenteak. Poro zabalak, poligonalak, luzangak, krema-zuri zurbil kolorekoak.
Hanka: 2-4 x 0,5-2 cm-koa, zurixka, gogorra, makotua, eszentrikoa, batzuetan albokoa, apur bat ilelatza eta ezkataduna.
Mamia: zuria, lodia, biguna eta hauskorra gaztetan, larrukara eta zaila zahartzean. Zapore gozoa eta usain apala.
Mikroskopia: esporak piloan zuriak, eliptikotik zilindrikora, leunak, hialinoak, gutuladunak, 12-15 x 5-7 µm-koak.
Habitat: oso arrunta udaberritik udazkenera, hostozabalen egur hilean ateratzen da, batik bat Fagus, Quercus, Corylus eta Ulexean.
Jateko balioa: ez da jangarria.
Argazkiak
Microscopiak / Mikrofitxak
