Pycnoporus cinnabarinus
Herri izena
- Euskeraz: Ardagai gorria
- Gazteleraz: Yesquero bermellón
Datu zientifikoak
- Klasea: Basidiomycota
- Generoa: Pycnoporus
- Espeziea: cinnabarinus
- Egilea: (Jacq.) P. Karst. 1881
- Jangarritasuna: Balio gabea/Sin valor
Deskribapen testua
Basidioma: fruitu-gorputz hankagabea, zirkuluerdi edo kontsola formakoa, 3-9 cm-ko Ø eta 1-2 cm-ko lodiera, ganbil-laua. Azal meheki belusatua, gorri laranjatua edo laranja, zahartzean karpoforo osoa belzten da.
Himenoforoa: 2-5 mm-ko luzerako hodiek eratua, laranja zurbila. Poro txikiak, adinaren arabera biribilak edo angeludunak, zinabrio-gorri kolorekoak.
Mamia: biguna ale gaztetan, gero larrukara eta zaila, gorri-laranja kolorekoa. Usain eta zapore nabarmenik gabea.
Mikroskopia: esporak piloan zuriak, eliptikoak, leunak, hialinoak, 4-5,5 x 2-2,5 µm-koak.
Habitat: oso arrunta udan eta udazkenean hostozabalen egur hilean, Fagus, Betula eta Quercusean batez ere.
Jateko balioa: ez da jangarria.