Pseudohydnum gelatinosum
Herri izena
- Euskeraz: Mukiziza horzduna
- Gazteleraz: Pseudohidno gelatinoso
Datu zientifikoak
- Klasea: Basidiomycota
- Generoa: Pseudohydnum
- Espeziea: gelatinosum
- Egilea: (Scop.) P. Karst. 1868
- Jangarritasuna: Balio gabea/Sin valor
Deskribapen testua
Basidioma: 2-8 cm-ko Ø-ko eta 1-2 cm-ko lodierako txapela, haizemaile formakoa, substratuari hanka txiki batez itsatsia. Kanpoalde meheki pikorduna edo papila zeharrargi txikiz kizkurtua, hasieran zurixka edo urdin grisaxka, gero arre-grisa gehienetan.
Himenoforoa: ezten koniko eta dekurrente ugariek estalia. Luzeenak 3 mm-koak, motzagoak hankara hurbildu ahala, zuriak isla urdinxkekin.
Hanka: zurixka, motza eta albokoa; zenbaitetan ez dauka.
Mamia: zuria, lodia, gelatinakara, zeharrargia. Usain eta zapore nabarmenik gabea.
Mikroskopia: esporak piloan zuriak, globo edo sasiglobo formakoak, leunak, hialinoak, 5-8 x 4-7 µm-koak.
Habitat: nahiko arrunta udan eta udazkenean, koniferoen egur ustelean eta motzondoetan ateratzen da, hala nola Pinus, Picea, Pseudotsuga eta Chamaecyparisean.
Jateko balioa: ez da jangarria.