Calvatia gigantea
Herri izena
- Euskeraz: Astaputz erraldoia
- Gazteleraz: Bejín gigante
Datu zientifikoak
- Klasea: Basidiomycota
- Generoa: Calvatia
- Espeziea: gigantea
- Egilea: (Batsch) Lloyd 1904
- Jangarritasuna: Jangarria/Comestible
Deskribapen testua
Basidioma: karpoforo hankagabea, sasiglobo formakoa, zabalagoa altua baino, oso handia, 60 cm-ko Ø eta 20 kg pisua izan dezake. Exoperidio laua, zuria hasieran eta gero marfil kolorekoa. Endoperidio mehea, oso hauskorra, apurkorra, zuria hasieran eta gero hur kolore zurbilekoa.
Gleba: zuria, mamitsua eta trinkoa gaztetan, gero biguna eta hori berdexka, amaieran arre horixka. Zahartzean hauts itxura hartzen du.
Mikroskopia: esporak globo formakoak, garatxodunak, 3,5-5 µm-koak.
Habitat: udan eta udazkenean soro eta larreetan.
Jateko balioa: gaztetan jangarria, gutxi estimatua.