Eutypa lata
Datu zientifikoak
- Klasea: Ascomycota
- Generoa: Eutypa
- Espeziea: lata
- Egilea: (Pers.) Tul. & C. Tul. 1863
- Jangarritasuna: Balio gabea/Sin valor
Deskribapen testua
Askoma: gutxi-asko globo forma duen fruitu-gorputza, estroma isolatuek edo elkartuek eratua, beltza, egurraren substratuan sartua, 0,5-1,5 mm-ko Ø eta 1 mm inguruko lodiera. Estromako 2-5 peritezio daude, beltzak, globo formakoak eta 0,3-0,5 mm-ko Ø-koak. Peritezioek kanporatzean azala hausten duten ostiolo motzak dituzte; horiek itxura zimurtsua ematen diote estromari.
Mamia: oso urria, beltza, gogorra eta larrukara. Usain eta zapore nabarmenik gabea.
Mikroskopia: esporak zilindrikoak, alantoideak, leunak, hialinoak, muturretan bi gutularekin, 6-14 x 1,5-2,5 µm-koak.
Habitat: oso arrunta urte osoan, hostozabalen egur hilean ateratzen da, hala nola Platanus, Fraxinus, Crataegus, Ulmus eta beste batzuetan.
Jateko balioa: ez da jangarria.