Peziza arvernensis
Datu zientifikoak
- Klasea: Ascomycota
- Generoa: Peziza
- Espeziea: arvernensis
- Egilea: Boud. 1879
- Jangarritasuna: Balio gabea/Sin valor
Deskribapen testua
Askoma: fruitu-gorputz hankagabea edo hanka motzekoa, hasieran kopa formakoa, gero zabaldua, ertzean kizkurra, 2-10 cm-ko Ø. Barrualde edo himenoforo laua eta kolore aldakorrekoa, hala nola krema, okre argia edo arre iluna. Kanpoalde argiagoa, lehortzean zurixka eta zahidun itxurakoa.
Mamia: mehea, krema-okre kolorekoa, hauskorra. Usain eta zapore nabarmenik gabea.
Mikroskopia: esporak piloan zuriak, eliptikoak, apur bat garatxodunak, hialinoak, gutularik gabeak, 14,5-19 x 8-11 µm-koak.
Habitat: espezie nahiko urria, udaberritik udazkenera hostozabalen basoetan ateratzen da, Fagusen azpian batik bat.
Jateko balioa: ez da jangarria.