Bertia moriformis
Herri izena
- Euskeraz: Masusta-kimoa
- Gazteleraz:
Datu zientifikoak
- Klasea: Ascomycota
- Generoa: Bertia
- Espeziea: moriformis
- Egilea: (Tode) De Not. 1844
- Jangarritasuna: Balio gabea/Sin valor
Deskribapen testua
Askoma: fruitu-gorputz hankagabea, substratuari zuzenean itsatsia, globo formako estroma irregular batek osatua, 1-1,5 mm-ko altuera eta 0,4-1 mm-ko Ø, beltza pareta lodiekin. Himenioaren azala garatxoduna eta zakarra da, ildoen eta konkorren arrastoek masusta itxura ematen diote (espeziearen izenean jasotako ezaugarria). Ostioloak ez dira bereizten, hartara, esporak aske geratzen dira peritezioaren pareta puskatzean.
Mamia: oso urria, beltza, gogorra eta hauskorra, usain eta zapore nabarmenik gabea.
Mikroskopia: esporak zilindrikotik fusiformera, alantoideak, leunak, hialinoak, gutuladunak, erdiko trenkada bat dutenak, 30-50 x 4,5-6,5 µm-koak.
Habitat: arrunta urte osoan hostozabalen azalik gabeko egur hilean; batik bat, Fagusean,
Jateko balioa: ez da jangarria.
Argazkiak
Microscopiak / Mikrofitxak
