Daldinia concentrica
Herri izena
- Euskeraz: Kimo mamizebratua
- Gazteleraz: Daldinia en zonas concéntricas
Datu zientifikoak
- Klasea: Ascomycota
- Generoa: Daldinia
- Espeziea: concentrica
- Egilea: (Bolton) Ces. & De Not. 1863
- Jangarritasuna: Balio gabea/Sin valor
Deskribapen testua
Askoma: fruitu-gorputz hankagabea, globo forma irregularrekoa, 1-6 cm-ko Ø, arre grisaxkatik beltzera, ikatz orearen itxurakoa. Azal laua, kizkurra eta peritezioen irekidurek zulatua, esporak kanporatu daitezen.
Mamia: gogorra, hauskorra, hasieran arre grisaxka eta amaieran ikatz-beltza. Ebakitzean barne zerrenda zentrokideek osatutako egitura ikusten zaio, gune distiratsuak eta mateak txandaka dituena.
Mikroskopia: esporak piloan beltzak, eliptikotik giltzurrun formara, alde bat lautua dutenak, leunak, gutula bakarrekoak, luzetarako pitzadura bat dutenak ernatzea bertatik egiteko, 13-16 x 6-9 µm-koak.
Habitat: oso arrunta urte osoan, hostozabalen egurrean ateratzen da, hala nola Fraxinus, Salix, Ulmus, Betula, Alnus, Platanus eta Prunusean.
Jateko balioa: ez da jangarria.