Emakumeak Zientzian: berdintasunaren aldeko ekintza txiki bakoitzaren ahalmena

Emakumeak Zientzian ekimenaren 9. edizioak, "Hazia erein/Siembra la semilla" lelopean, agerian uzten du nolako gaitasuna duen ekintza txiki bakoitzak zientzian berdintasuna lortzeko bidean.

Zientzia-hazia emez ernetzeko prozesua irudikatu dute antzezlanean. Emakume eta neska zientzialarien nazioarteko egunaren hamargarren urteurrenean, Emakumeak Zientziak ekimenak izan duen hazkundea eszenaratu da, 2017an ereindako hazi baten metaforarekin. Erakunde-talde txiki batekin hasi zena loratzen joan da ekosistema sendo bihurtu arte. Bilakaera horrek estereotipoak apurtzeaz gain, nesken eta emakume gazteen bokazio zientifikoak indartzen ditu, eta zientzia berdintasunez eta aniztasunez haziko den etorkizuna bermatzen.

Emakumeak Zientzian Aranzadin

Asteburu honetan, Aranzadi Zientzia Elkartea jardueraz bete da Emakumeak Zientzian ekimena babesteko, emakumeek zientzian duten papera azpimarratuz. Ostiralean, jardunaldi berezi bat egin zen, belaunaldi ezberdinetako ikertzaileen eguneroko esperientziak partekatzeko. Zientzialariek beren arazo, erronka eta lorpenei heldu zieten, eta Aranzadik 75 urteetan zehar egindako aurkikuntzak eta ikerketak aurkeztu zituzten, euskal ondare natural, kultural eta historikoaren azterketan oinarrituta.

Larunbatean eta igandean, txikienak izan ziren protagonista. Lau tailer interaktiboren bidez, haurrek hainbat gairen inguruan jolastuz ikasi zuten: landareak, txoriak, planetak eta hezurrak. Ekimen honek gazteenen artean zientziarekiko interesa sustatzeaz gain, ikerketak eta ezagutzak gure gizartean duten garrantzia ere ospatu zuen.

Aranzadi Zientzia Elkarteak hezkuntza eta dibulgazio zientifikoarekin duen konpromisoari eusten dio, etorkizuneko belaunaldiei zientziaren mundua esploratzeko inspirazioa emanez.

Aurrekoa

Hurrengoa

Oroimena /

Natura /

Zientzia /

Boluntariotza /

Ondarea /

Lurraldea /

Partekatzeko ezinbestekoa da zaintzea / Egin zaitez bazkide.