Gutxienez 18.000 urteko labar-pinturak deskubritu dituzte Danbolinzulon (Zestoa)

Horretarako, margoen itxuran eta inguruko kobazuloetan dauden beste margoekin alderaketan oinarritu dira. Irudi guztiak burdin oxidoz eginak daude, eta horietako batzuetan puntuzko trazatua antzeman daiteke. Bost animalia-irudi bereiz daitezke momentuz, tartean ahuntz eta orein irudiak.

Danbolinzulo 1980. urtean deskubritu zen, eta aurkikuntza honen ondoren, ikerketa zientifikorako gunea garrantzitsua bilakatu daiteke, bereziki Goi Paleolitoko populazioen bizimodua, mugikortasuna eta ingurunearekin zuen harremana ulertzeko.