Historiaurreak San Telmo Museoa inbaditu du Aranzadiren Arkeologiari buruzko Jardunaldietan

Jardunaldi hauen helburua gure lurraldean egiten diren ikerketa arkeologikoak ezagutaraztea da, publiko guztiei zuzendutako dibulgaziozko hitzaldi edo mahai-inguruen bidez. San Telmo Museoan urtero eskaintzen diren hitzaldiok normalean oso harrera ona izaten dutenak.

Aurtengo gaia Historiaurrea da. Lau aurrehistorialarik, oso arlo desberdinetan adituak direnek, garai hartako errealitate batzuk hurbilduko dizkigute, hala nola indarkeria eta gizarte haietako gerrak, neolitikoaren zeramika, Basagaingo Burdin Aroko herrixka eta neandertalen kultura ezezagun eta zoragarria.

Jardunaldien amaiera eta saio nagusi gisa, Atapuercako zuzendarikidea den Juan Luis Arsuaga paleontologoa eta Juan José Millás idazlea izango ditugu, eta "La vida contada por un sapiens a un neandertal" liburua aurkeztuko dute Eva Caballero kazetariak moderatuko duen mahai-inguruan. Gaur egun, Espainian gehien saltzen diren bost liburuen artean dago argitalpena, eta bizitzaren jatorria eta misterioa hurbiltzen dizkigu, irakurleari gogora ekarriz historiaurrea gaur egungo leku guztietan bizi dela.

Jardunaldiak San Telmo Museoko Ekitaldi Aretoan izango dira, arratsaldeko 18:00etan. COVID 19ren pandemiaren ondorioz, ezinbestekoa da museoaren webgunearen bidez izena ematea, edukiera kontrolatzeko.

Museoak, gainera, streaming bidez emango ditu hitzaldi guztiak, youtubeko kanalaren bidez.

Hauek dira hitzaldiak:

Otsailak 17. Basagain (Anoeta). Un poblado entre dos Eras. Xabier Peñalver (Aranzadi). Gaztelania

Anoetako Basagain mendian, hogei urte baino gehiagoan egindako indusketa arkeologikoek Burdin Aroko herri baten hondakinak eta han bizi izan ziren pertsonen eguneroko bizitzako objektuak aurkitu dituzte.

Otsailak 23. NeanderKult. Kultura neandertala kantauriar aldean. Joseba Ríos (CENIEH). Euskara.

Neandertalaren kulturak interes handia pizten du jendearen artean. Nolakoak ziren? Nola jartzen ziren harremanetan? Nola desagertu ziren? Zer nolako harremanak izan zituzten gure espeziearekin? NeanderKult diziplina anitzeko proiektu bat da, galdera horiei guztiei erantzuna eman nahi diena, gai bakoitzeko adituen ikerketen bidez.

Otsailak 24. Arqueología del conflicto. Guerra y violencia en las sociedades prehistóricas europeas. Angel Armendariz. Kantabriako Unibertsitatea. Gaztelania.

Gure espeziea agertu zenetik, eta are lehenago ere, arkeologiak eta antropologiak giza jokabide bortitzak egiaztatzen dituzte, lehen nekazarien elkarteak (Neolitikoa) sortu zirenetik sarriago gertatzen direnak, taldeen arteko gatazken ondorioz benetako gerratzat har daitezkeenak.

Otsailak 25. Historiaurrean ardiak, gazta eta esnea. Miriam Cubas.' (Alcalá de Henaresko Unibertsitatea) Gaztelaniaz..

Historiaurrean, aztarnategi arkeologikoetan agertzen diren animalia eta landare hondarrak kontsumitzen ziren elikagaien isla dira. Hala ere, badira beste baliabide batzuk, hala nola gazta eta esnea, erregistro arkeologikoan "aztarna" zuzenik uzten ez dutenak. Nola identifika ditzakegu produktu horiek material arkeologikoetatik abiatuta?

Otsailak 26. Mahai-ingurua: “La vida contada por un sapiens a un neandertal”.

Juan Luis Arsuaga. Atapuercako paleontologoa da zuzendarikidea Juan José Millás, idazlea. Eva Caballero kazetaria moderatzaile lanetan, Radio Euskadiko dibulgazio zientifikoari buruzko La Mecánica del Caracol saioko zuzendaria