Leticia Martínez de Murguía Fernández

Biografia

Diziplina biodibertsitatearen kontserbaziora eta enpresen garapenera aplikatzeko bokazioa duen entomologoa. Aranzadi Zientzia Elkarteko Entomologia saileko kide aktiboa 1993tik 2008ra arte. Lan-ildo nagusia basoko entomologia izan da, biodibertsitatearen kontserbazioarekin lotutako interesa duten espezieak barne. Inbentario faunistikoen prestaketa-lana obrako egurretan dauden intsektu xilofagoen identifikazioarekin lotutako dibulgazioarekin eta prestakuntzarekin bateratu du. 2009tik aurrera, sailarekin batera elkarlanean aritu da aholkularitza eskaintzen eta argitalpenak prestatzen.

Ibilbidea

• 1990
  Biologia Zientzietan lizentziatua (Botanika espezialitatea). Madrilgo Unibertsitate Konplutentsea.
• 1992
  Master of Science (Basoko Entomologia). University of Vermont (U.V.M.). AEB Basoko izurriteen kontrol biologikoa onddo entomopatogenoekin.
• 1993-2009
  Aranzadiren Entomologia saileko ikerlaria. Basoko entomologiako proiektuak, babestutako espezieen jarraipena, prestakuntza eta dibulgazioa.
• 1997-2004
  “Egurraren biologiako” irakasle titularra, IROA (Instituto de Restauración y Oficios Artísticos). Donostia. Gipuzkoa.
• 2001
  Zoologian doktorea (Animalien biologia I: ornogabeak). Entomologia. Madrilgo Unibertsitate Konplutentsea.
• 2009-2021
  Tecnaliako Hiri Ingurumeneko Osasuneko laborategiko entomologoa. Medikuntzarako-albaitaritzarako garrantzia duten artropodo hematofagoekin egiten du lan.