Aranzadik amaiera eman dio Donostiako memoria historikoari buruzko proiektuari, herritarrei irekitako ekitaldi baten bidez

Aranzadi Zientzia Elkarteak Donostia 1936-1945 proiektua jarri zuen abian 2017an. Lan horren helburu zehatza izan da 1936-1959 aldian Gerra Zibilean eta diktadura frankistan Donostian izandako giza eskubideen urraketa larrien memoria berreskuratzea eta horiek ezagutaraztea.

Ikerketa honek milaka donostiar errepresaliatuen izen-abizenak jartzeko aukera eman digu. Hobi edo artxibo militar, lokal edo elizakoetatik lurpetik atera dituzten pertsona anonimoak.

Baina proiektu honen helburua ez da izan soilik ikerketa historiko bat garatzea, baizik eta, herritarrek memoria historikoaren arloan dituzten beharrei erantzutea. Gainera, ikerketa horren edukiak zabaldu nahi izan dira, herritarrak sentsibilizatzeko eta partaide bihurtzeko. Hori dela eta, 2019an www.donostia1936.eus/eu webgunea argitaratu genuen. Gaur egun, 8.000 biktima baino gehiago identifikatuta daude eta milaka dokumentu digitalizatu dira, pairamena egiaztatzeko.

Ikerketa honen bidez, gizartearekin dugun konpromisoari eutsi diogu, memoria historikoa berreskuratzeko eta Giza Eskubideen urraketen biktima guztiek duten benetako printzipioari eusteko. Era berean, Donostiak Giza Eskubideen arloko Nazioarteko Zuzenbideari erreparatu dio, Egiaren, Justiziaren eta Erreparazioaren printzipioak berea eginez. Ildo horretan, gertatutakoaren egia bilatzea eta zabaltzea, memoria kolektiboan txertatu ahal izateko, tokiko erakundeen aukeren barruan justizia egiteko, eta gerraren eta diktaduraren izugarrikeriak jasan zituztenak erreparatzeko, garrantzizko helburuak dira, eta azken urteotan konpromiso ukaezin bihurtu dira euskal erakunde gehienentzat.

Horregatik guztiagatik, datorren ostegunean, martxoaren 16an, Aranzadik amaiera ekitaldi berezia antolatu du, zazpi urteko ikerketa-lan handiaren ondoren. Donostiako Memoria Historikoari buruzko Jardunaldia izango da, Miramar Jauregian, eta bertaratzea publikoa eta doakoa da. Amaiera ekitaldi honetara joateko izena emateko formularioa bete behar da.

Beraz, egindako lanaren berri eta balioa emateko jardunaldi hauetan lehen mailako adituek parte hartuko dute, hala nola Fabian Salvioli, egia, justizia, erreparazioa eta ez errepikatzeko bermeak sustatzeari buruzko Nazio Batuen kontalari Berezia, Jon Mirena Landa, Zigor-Zuzenbideko katedraduna eta Giza Eskubideen eta Botere Publikoen UNESCO Katedrako zuzendaria (UPV/EHU). Era berean, Donostian diktadura frankistak errepresaliatutakoen senideek parte hartuko dute jardunaldi horretan mahai-inguru baten bidez.

EGITARAUA:

9:15 Ongietorriko kafea

9:45 Prentsaren aurreko argazkia (Agintariak eta adituak)

10:00 - 10:15 Ekitaldi hasiera Eneko Goia, Donostiako alkatearen eskutik

10:15 - 12:00 Adituen esku-hartzea:

• Javier Buces, Aranzadi Zientzia Elkarteko Historia Garaikidean doktorea
• Fabián Salvioli, Egia, justizia, erreparazioa eta ez errepikatzeko bermeak sustatzeari buruzko Nazio Batuen kontalari Berezia
• Jon Mirena Landa, Zigor-Zuzenbideko katedraduna eta Giza Eskubideen eta Botere Publikoen UNESCO Katedrako zuzendaria (UPV/EHU)

12:00 - 12:30 Lunch

12:30 - 14:00 Donostian diktadura frankistak errepresaliatutakoen senideek

14:00 Ekitaldiaren amaiera

Informazio gehiago behar baduzu, ez izan zalantzarik.

Zalantzak argitu eta zure galderei erantzungo diegu.

Jarri harremanetan Aranzadirekin