Biografia
Zientzia Geologikoetan lizentziatua Euskal Herriko Unibertsitatean, EHUn (1983), Geologian doktorea Exeter-eko unibertsitatean (1987), Paleontologiako irakasle titularra EHUn (1993), EHUko Kuaternario Garaia: Ingurumeneko Aldaketak eta Gizakiaren Aztarna Doktoretza Programaren arduraduna (2009), Anthropocene Working Group-International Commission on Stratigraphy (2010) taldeko kidea, Basque Centre for Climate Change-BC3 (2018) zentroko ikerlari elkartua eta EHUko Geologia saileko zuzendaria (2020). Itsas mailan izandako aldaketak eta gizakiaren inpaktuak Holozeno eta Antropozeno garaietan kostaldeko eremuetan eragindako ingurumeneko bilakaerari buruzko hainbat argitalpen zientifikoren egilea.
