Bulgaria inquinans
Herri izena
- Euskeraz: Mukibotoi beltza
- Gazteleraz: Bulgaria tiznada
Datu zientifikoak
- Klasea: Ascomycota
- Generoa: Bulgaria
- Espeziea: inquinans
- Egilea: (Pers.) Fr. 1822
- Jangarritasuna: Balio gabea/Sin valor
Deskribapen testua
Askoma: fruitu-gorputz hankagabea edo hanka motzekoa, egurrari zuzenean itsatsita, 1-4 cm-ko Ø eta 1-2 cm-ko altuera, ziba edo botoi formakoa, eta zenbaitetan, globo formakoa. Barrualde edo himenoforo laua, distiratsua, beltza, likatsua giro hezean. Kanpoalde zurbilagoa, marroi iluna eta ilez estalia.
Mamia: ore gelatinakara eta trinko moduko bat, elastikoa, larrukara lehorrean, arre grisaxka. Usain eta zapore nabarmenik gabea.
Mikroskopia: esporak eliptikotik giltzurrun formara, leunak, opakoak, marroi grisaxkak mikroskopioan, zenbaitetan gutuladunak, 9-17 x 6-7,5 µm-koak.
Habitat: aski urria, udazkenetik udaberrira ateratzen da talde handitan hostozabalen egur hilean, hala nola Quercus, Fagus, Betula eta Castanean.
Jateko balioa: ez da jangarria.