Helvella acetabulum
Herri izena
- Euskeraz: Kaliza arrunta
- Gazteleraz: Cabacitos
Datu zientifikoak
- Klasea: Ascomycota
- Generoa: Helvella
- Espeziea: acetabulum
- Egilea: (L.) Quél. 1886
- Jangarritasuna: Pozoitsua/Venenosa
Deskribapen testua
Askoma: kopa formako fruitu-gorputza, 2-7 cm-ko Ø-ko eta 1-3 cm-ko altuerako txapela. Ertz laua edo irregularki horzduna. Barrualde edo himenoforo laua, arre-okrea edo arre grisaxka. Kanpoalde zertxobait ilaunduna, antzeko kolorekoa, baina hankari gerturatu ahala zurbiltzen dena.
Hanka: 2-4 x 0,5-2 cm-koa, zuria. Luzetarako ildo sakonak ditu eta horietatik ateratako zainak kopa edo txapelaren erdira iristen dira.
Mamia: zuritik grisaxkara, mehea, elastikoa, ezko itxurakoa. Usain eta zapore nabarmenik gabea.
Mikroskopia: esporak zuriak piloan, eliptikoak luzeran, leunak, hialinoak, gutula bakarrekoak, 16-22 x 10-12 µm-koak.
Habitat: arrunta udaberritik udara, bai hostozabalen bai koniferoen basoetan.
Jateko balioa: ez da jangarria. Gordinik janez gero, toxikoa.
Argazkiak
Microscopiak / Mikrofitxak
