Hypoxylon fragiforme
Herri izena
- Euskeraz: Garatxo marroia
- Gazteleraz: Hipoxilo en forma de fresa
Datu zientifikoak
- Klasea: Ascomycota
- Generoa: Hypoxylon
- Espeziea: fragiforme
- Egilea: (Pers.) J. Kickx f. 1835
- Jangarritasuna: Balio gabea/Sin valor
Deskribapen testua
Askoma: fruitu-gorputz hankagabea, estroma hemisferiko edo globo formako batek eratua, 3-12 mm-ko Ø, oina substratuari lotua duena, gutxi-asko taldekatua edo isolatua. Hasieran izokin kolore gutxi-asko distiratsua, gero arre gorrixka eta zahartzean belzkara. Azal edo himenoforoan ostioloen eraginez sortutako garatxoak nabarmentzen dira. Estromaren barruko peritezioak beltzak, globo formakoak eta 0,3-0,5 mm-ko Ø-koak dira.
Mamia: gogorra, hauskorra, marroi belzkara, ikatz itxurakoa. Usain eta zapore nabarmenik gabea.
Mikroskopia: esporak irregularki eliptikoak, lautuak alde batetik, marroiak, leunak, luzetarako ernetze porodunak, gutuladunak, 10,5-14 x 5-6 µm-koak.
Habitat: oso espezie arrunta urte osoan, Fagusen egur hilean ateratzen da soil-soilik. Zenbaitetan, lupa batekin behatuz gero, Nectria episphaeria bizkarroi duela ikus daiteke.
Jateko balioa: ez da jangarria.