Ornitologoa izan egun batez

ENARAK PROIEKTUA: enara, azpizuria edo sorbeltza da?

Olatz Aizpurua San Roman (ikertzailea Aranzadi Zientzia Elkartea)

Enara bat, azpizuri bat eta sorbeltz bat bereiztea urrats txiki eta erraza da Aranzadi Zientzia Elkartearen ENARAK zientzia herritarraren proiektuan parte hartzeko. ENARAK hirietako hegazti-faunaren inguruan herritarrak sentsibilizatzeko proiektua da. Hiru espezie enblematiko horiek biztanleriaren gainbehera nabarmenean daude. Gure hirira eguraldi onarekin iristen diren hiru espezie intsektujale eta migratzaile horien habien jarraipena egiteko boluntarioak bilatzen ditugu. Lagun iezaguzu kontserbatzen.