#polenbila 2024 argazki lehiaketaren epaimahaiaren emaitza
Entomologia / Hiritar zientzia, Espezieen identifikazioa
Astelehena, 2024eko abuztuaren 5a — CEST
— Testua: Aranzadi
Irakurketa: 2 minutu
#polenbila argazki lehiaketaren irabazleak ditugu, Polinizatzaileak greban proiektuaren baitan. Datozen egunetan irabazleekin harremanetan jarriko da, xehetasun gehiago emateko aukeratu duten harremanaren bidez.
Zorionak sarituei eta eskerrik asko parte-hartzaile guztiei!
Eta bide batez, jakinarazi nahi dizuegu argazki-erakusketaren data eta lekua daukagula. Atariako Naturaren Interpretazio Zentroan izango da, Salburuako (Vitoria-Gasteiz) hezeguneetan, irailaren 14an. Egun horretan sari banaketaren zeremonia txiki bat egingo dugu eta, gure kolaboratzaile eta ilustratzaile Maddi Astigarragarekin batera, hitzaldi bat eta ilustrazio tailer bat emango ditugu gure inguruko polinizatzaileen inguruan (PolinizArte).
#polenbila kanpainak eta argazki-lehiaketak Eroskiren Zentimo Solidarioen Programaren laguntza eta finantzaketa dute, Worldcooren bidez.
Beraz, honekin, #polenbila kanpaina amaitutzat ematen dugu. Entomologoek ere oporrak hartuko ditugu!
