VI. Lepidopterologia Jardunaldi Nazionalak 2022

Tximeletak biodibertsitatearen osagai nagusi horren parte dira, artropodoak, alegia. Kontserbazioa funtsezkoa da jasangarritasunerako, gure ongizateari estu lotuta baitago, baina, gaur egun ere, galera horren eragin soziala, oso ezezaguna da herritarren artean, oro har. Azken bi urteetan, ESCARALIMANIA proiektuak esperientziak eta ezagutzak partekatzeko gune bat eskaini du, interesa duen ororentzat irekia, zientzialari eta sektoreko profesionalentzat nahiz inoiz intsekturik ikusi ez zutenentzat. Proiektu hori Trantsizio Ekologiko eta Erronka Demografikoko Ministerioaren Biodibertsitate Fundazioaren laguntzari esker gauzatu ahal izan da.

ESCARALIMANIA agurtuko dugu Lepidopterologia Jardunaldi Nazionalen bidez, otsailaren 26an eta 27an, Gasteizen. Jardunaldi horietan, Europan eta gure herrialdean gertatzen diren hainbat proiektu ezagutuko ditugu.

Aurreko urteetan, ZERYNTHIA elkarteak, erreferentziazko erakundeak, eguneko eta gaueko tximeleten azterketan, kontserbazioan eta dibulgazioan, hainbat topaketa eta jardunaldi zientifiko antolatu ditu, Iberiar penintsulako tximeleten berrikuntzak eta beharrak bateratzeko. Oraingo honetan, ESCARALIMANIAREKIN bat egingo dute Jardunaldien seigarren edizio honetan. Europako hainbat agintari zientifiko bilduko dituen topaketa Atarian, Salburuako Hezeguneen Interpretazio Zentroan. Leku horretan ornogabe horien inguruko hezkuntza, dibulgazioa eta kontserbazioa primeran uztartzen dira.

ZERYNTHIA elkarteak, ARANZADI Zientzia Elkarteak eta Vitoria-Gasteizko Ingurugiro Gaietarako Ikastegiak antolatuko dituzte VI. Lepidopterologia Jardunaldiak. Eskaintzen diren hitzaldiek tonu zorrotza izango dute, baina edonorentzat eskuragarri egongo da. Gainera, otsailaren 27an, igandea, Oñatiko (Gipuzkoa) Arrikrutz haitzuloak bisitatzeko aukera izango dute, neguan tximeletak babesten diren lekua.