Bihotz Berdeak

Naturarekiko zaletasuna duten eta beren esperientziak partekatu nahi dituzten gazteak bilatzen ari gara

Babeslea:

Abian

Natura ezagutzea bera maitatzea da

Bihotz Berdeak 12 eta 15 urte bitarteko gazte naturalistei zuzendutako programa da eta gazte hauek duten zaletasunari aukera berriak ireki nahi dizkio. Natura aztertzeko diziplinak landuko dituzte, hala nola: herpetologia, ornitologia, biziraupena, espeleologia, edafologia eta entomologia, ilustrazio zientifikoa eta etnografia.

Adituen eskutik eta hainbat Gipuzkoako naturgunetan murgilduta, igandeetako 13 saio edo irteeratan, ezagutzarako leiho berriak irekiko ditugu eta eko-aktibismoa bultzatuko dugu ere bai. Horretaz gain, programa honek aukera emango die lagun berriak egin eta pasioak partekatzeko!

2020an hasi ginen lanean. Kutxa Fundazioak sustatua, Aranzadi Zientzia Elkartearekin batera kudeatuta, hainbat elkarte ere dugu bidelagun hala nola Real Sociedad Fundazioa, Gipuzkoako Foru Aldundia, Ihobe, Geoparkea, Neiker eta beste elkarte eko-aktibista batzuk; sare bat sortu dugu, talentu naturalista eta STEAM bokazioak ekoalfabetizatzeko, naturan gozamena errazteko eta horiek babesteko kontzientzia sortzeko.

2024an Eusko Jaurlaritzaren lehen STEAM saria lortu zuen programa honek, Erakunde sozioekonomikoek sustatutako STEAM hezkuntza-ekimenaren barnean.

2024/25 eko programa (pdf.)

Urriak 10: Bihotz Berdeak 2024 programaren inaugurazioa Aranzadin.
Urriak 27: Geologia- Txema Hernandez.
Azaroak 21: Isas Zinema.
Azaroak 23-24: Asteburua naturan- Jexux Tapia eta Virginia Garcia (Elosu-Gipuzkoa).
Abenduak 15: Ilustrazio zientifikoa- Maddi Astigarraga.
Urtarrilak 26: Etnografia- Maite Errarte eta Suberri Matelo.
Otsailak 16: Espeleologia- Jexux Tapia eta Asier Izagirre.
Martxoa: Gnat Zinema Jaialdia.
Martxoak 23: Ornitologia- Olatz Aizpurua eta Maite Laso.
Martxoak 30: Ekoaktibismoa - Mater itsasontzi museoa.
Apirilak 6: Herpetologia- Ion Garin eta Iñaki Romero.
Maiatzak 25: Entomologia
Ekoaktibismoa - Zehazteke