Eduardo Zubia Alfonso

Biografia

Aranzadi Zientzia Elkarteko bazkide aktiboa. Dibulgazio-proiektuak garatzen ditu eta Astronomia Saila zuzendu zuen 2014 eta 2018 artean. Madrilgo Complutense Unibertsitatean Fisika Zientzietako Gradua lortu zuen, eta Astrofisika eta Teknika Espazialetako Masterra Paris-Diderot Unibertsitatean. Paris-Meudon Behatokian eta Grenobleko Behatokiko Astrofisika Laborategian ikertzaile gisa trebatu zen, eta Europako Behatoki Australerako instrumentazioaren diseinuan parte hartu zuen, izar-sistemen behaketak modelatuz.

Enpresa nazional eta multinazionaletan informazioaren teknologien sektorean lan egin ondoren, zientziaren metodologian espezializatu zen, Euskal Herriko Unibertsitatean Zientziaren eta Teknologiaren Historia eta Filosofia Masterra eginez, eta artikuluak argitaratu zituen nazioarteko hainbat kongresu eta aldizkaritan. Bere ikerketa lerroak izarretako astrofisika, seinaleen prozesamendu digitala eta irudien epistemologia barne hartzen ditu.