Gau astronomikoa Oiangun

Urriaren 1ean, larunbata, Astronomia gaua antolatuko da Oiangun. Ordiziako Udalak eta Aranzadi Zientzia Elkarteak antolatzen dute 8. urtez.

Herrian arrakasta handiko ekintza da, non haur, gazte eta helduak hurbiltzen diren zeruko eta unibertsoaren inguruko jakinminak asetzera.

Bi saioek osatzen dute astronomia gaua eta egoera meteorologikoak laguntzen ez badu, bi saioak bertan behera geratuko dira.

18.00-19.30- Tailerra: Nork esan du hemen ez direla izarrak ikusten?

Tailer honetan izarren artean orientatuko gara: konstelazioak zer diren ikasiko dugu, konstelaziorik inportateenak ezagutuko ditugu eta tailerrarekin amaitzeko planisferio bat eraikiko dugu euritako batean.

SARRERAK AGORTUTA

20.30-22.00. Gaueko behaketa.

Astronomia saileko kideek mota ezberdinetako teleskopioak ekarriko dituzte eta horiei esker zeruko elementu ezberdinak ikusi ahal izango ditugu: izarrak eta konstelazioak, Ilargiaren kraterrak, Jupiterren sateliteak, Marte, Saturnoren eraztunak, Andromeda galaxia eta beste zeruko objektu batzuk behatu ahal izango ditugu. Azken hau eguzkiaren argia desagertzearekin batera hasiko da, gaueko 20.30etan hain zuzen ere.

Benetan ekintza bitxia eta interesagarria da eta etortzera gonbidatzen zaituztegu.

Hizkuntza: Euskaraz eta gaztelaniaz

Publikoa: orokorra

Doan, ez da izenik eman behar