Oihane Mendizabal Sandonís

Biografia

Oihane Mendizabal Sandonís (Donostia, 1992) Historian graduatua da UPV/EHU-ko Letren Fakultatean. Horren ostean bi master egin zituen unibertsitate berean: “Eraikitako Ondarearen eta Eraikinen Birgaitze, Zaharberritze eta Kudeaketa” eta “Bigarren Hezkuntzako Irakasleen Prestaketa”. 2011. urtean izan zuen Aranzadirekin lehen hartu-emana, Amaiurko Gazteluko indusketa arkeologikoan boluntario gisa. 2017az geroztik lanean dihardu Aranzadi Zientzia Elkarteak gidatzen duen Pirinioetako Galtzada Erromatarraren proiektuan. Halaber, 2019az geroztik Pirinio mendebaldeko lurraldeko erromatartze prozesuari buruzko doktoretza tesia egiten ari da Eusko Jaurlaritzako Doktoretza Aurreko beka bati esker.

Ibilbidea

• 2011
  Lehen hartu-emana Aranzadi Zientzia Elkartearekin Amaiurko Gazteluaren indusketa arkeologian boluntario gisa parte hartuta.
• 2014
  Historian Graduatua EHUko Letren Fakultatean (Gasteiz), Euskal Herriko Historian espezializatua.
• 2017
  Zalduako eta Artziko aztarnategi arkeologikoen kozuzendaritzan (2017-2021).
• 2019
  Antzinaroko Ibañetako lepoko eta Urrobi ibarreko lurraldearen ikerketa arkeologikoari buruzko tesiaren hasiera EHUn, Eusko Jaurlaritzako Doktoretza Aurreko bekarekin.