Ornitologia

Sail honen historia Eraztuntze bulegoarena da, Aranzadi estatu mailan zein mundu mailan ezagun egin duen erakundearena. Alabaina, egun, Sail horren jarduera eraztunak jartzeko zereginetatik harago doa, eta hainbat proiektu gauzatzen ditu beste teknika batzuen bitartez, biologiaren, ekologiaren eta hegaztien kontserbazioaren askotariko alderdiak jorratzeko helburuarekin. Proiektuek izendatzaile komuna izan ohi dute sarri, eta hori da Aranzadi Zientzia Elkartearen identitatearen adierazleetako bat: boluntarioek ikerketa-proiektuetan parte hartzea. Alde horretatik, Sailak langileen eta boluntarioen lantalde mistoak sortzea sustatzen du.

Gure helburuak

Eraztuntze Bulegoaren kudeaketa. Egun, Estatu osoko 500 eraztuntzaile baino gehiagori ematen dio zerbitzua eta urtean 200.000 hegazti baino gehiagori jartzen dizkiote eraztunak.
Ondo zehaztutako hainbat ildoren bidez kalitatezko ikerketa-lana egitea: ....
Ornitologiaren zabalpenean eta diziplina horretako zaleen formazioan erreferentea izatea.

Ornitologia sailean adituak ditugu zuri laguntzeko

Zalantzak argitu eta zure galderei erantzungo diegu.

Ezagutu taldea

Gure proiektuak

Proiektu nabarmena

Eraztuntze Bulegoa

Estatu mailako bulegorik zaharrena

Proiektua ezagutu

ZooNaGreen Entomologia, Ornitologia
Polinizatzaileak

HIRILIFE Botanika, Entomologia, Herpetologia, Mikologia, Ornitologia
Hiriko biodibertsitatea

Ornitho Euskadi eta Ornitho Nafarroa Ornitologia
Fauna behaketa

Urdaibai Bird Center Ornitologia
Dibulgazioa eta formakuntza

Hiritar zientzia, formazioa eta ingurumen-heziketa Ornitologia
Hiritar zientzia

Hegaztien monitorizazioa Ornitologia
Faunaren monitorizazioa

Interakzioak gizakiarekin Ornitologia
Giza interakzioa

Ornitologia sailean praktikak egin nahi al dituzu?

Ziur ekarpen asko egin ahal dezakezula eta gure taldean nahi zaitugu.

Gure ibilbidea

1949

Eraztunak Jartzeko Sektorea

1947ko martxoaren 20an, erakundeko idazkari nagusi Jesus Elosegik Madrileko Natur Zientzien Museo Nazionaleko zuzendariari, Enrique Moralesi, idatzi zion, Gipuzkoan migrazio pasean zeuden hegaztiak markatzeko eraztunak eskatzeko. Museoak jakinarazi zion ez zituela eraztun horiek eta, ondorioz, Aranzadik berea sortzea erabaki zuen. Horrela sortu zuen Eraztunak jartzeko Sektorea 1949an, egungo Eraztunak Jartzeko Bulegoa.

1950

Espainia eta Hego Amerikaren arteko hegaldi transatlantikoak

Bulegoak goren aldia bizi zuen, eraztunak jartzeko proiektu handiak izan baitzituen Gipuzkoan eta orduko Doñanako Barrutian. Azken kanpaina horiei esker, Espainiaren eta hego Amerikaren arteko hegaldi transatlantikoen berri izan zuten, eta, horietan, eraztunak zituzten hainbat koartzatxo txiki harrapatu zituzten, egungo Parke Nazionaleko kolonietan.

1963

EURINGen sartzea

1963ko irailean, Paris eta Miarritzeko biltzarretan, “European Comitee for Bird Ringing” sortu zuten, egungo EURING, eta Aranzadik kide aktibo gisa hartu zuen parte hasieratik.

1970

Fringilidoei eraztunak jartzeko kanpainekin hasi ziren Jaizkibelen, Higerren, Bidasoako irletan eta Txingudiko Badian.

Urteetan, milaka karnaba, txorru, txonta eta tarinei jarri zizkieten eraztunak eta, horri esker, hegazti asko berreskuratu ahal izan zituzten, Gipuzkoatik igarotzen diren fringilido-espezieen jatorria eta migrazio ibilbideak ezagutu ahal izateko.

2002

Eraztun-jarleen talde berria

Talde berriak bultzada berria eman zion Bulegoari eta etapa berri batera zuzendu zuen. Barne-araudia egin zuten eta eraztunak jartzeko jarduera arautu zuten, eraztun-jarle izateko azterketaren eta proiektu berrien bitartez. Harreman instituzionala berrezarri zuten maila guztietan.

2009

Aranzadiren Eraztunak Jartzeko Bulegoaren 60. urteurrena ospatu zuten Donostiako Udaleko udalbatza-aretoan eginiko ekitaldi handiarekin.

Angel Gabilondo orduko Hezkuntza eta Unibertsitate Ministroa izan zen bertan.

2012

Krisi ekonomikoa

Ondorio larriak ekarri zizkion Ingurumen Ministerioak kudeatzen duen ‘ICONA’ historikoari, eta erakunde ugarik Aranzadira igarotzeko eskatu zuten. Orduan, inoiz ez bezalako hazkundea biziz izan zuen eta estatuko Eraztunak Jartzeko Lehen Bulegoa bihurtu zen Aranzadi.

2014

Sailean eginiko lehen doktore-tesiaren defentsa izan zen.

Horrekin, inoiz ez bezalako etapa bat hasi zen Aranzadin hegaztien inguruko ikerketaren eta lan zientifikoen argitalpenen arloan.

2015

Donostian egin zen EURINGen batzarra

Biltzarra Estatuan egin zen lehen aldia izan zen. Eraztunak jartzeko 30 Bulegotako 60 ordezkari izan ziren bertan. Aranzadiren Eraztunak Jartzeko Bulegoa nazioarteko proiekzioa indartu zen. Aldi berean, Euskadi Ornitho ataria zabaldu zuten, herritarrentzako zientziaren inguruko ataririk garrantzitsuena lurraldean.