Banaezinak. Natura eta gizakia: historia partekatu bat
Ordua
Tokia
Leitzaran bisitarien etxea (Andoain)
Salneurria
Doan
BANAEZINAK. Natura eta gizakia: historia partekatu bat erakusketa naturarekin dugun harreman historikoan zentratzen da. Honek bizirauteko oinarrizko baliabideak eman dizkigu eta baita espezie gisa gaur egunera arte iristeko aukera ere.
Helburu horrekin, ingurunea eraldatzen hasi ginen, gure beharren arabera. Elikadura, babesa, sinesmenak edo gizarte-antolaketa izan dira natura ustiatzeko arrazoi nagusietako batzuk. Horrela, paisaia zizelkatzen joan gara, eta inguruaren bilakaera baldintzatzen.
Naturarekin sortzen dugun harreman estutik abiatuta, gizakiok ezagutza ekologiko handia garatu dugu, belaunaldiz belaunaldi transmititzen joan garena eta ingurumenaren behaketa zientifikoari esker zabaltzen joan garena. Ezagutza horiek beharrezkoak izan dira gure arbasoen biziraupenerako, eta horregatik iraun dute gaur egun arte.
Banaezinak erakusketak gizakiak Historiaurretik gaur egunera arte naturari lotuta egin duen ibilbideari buruzko hausnarketa izan nahi du. Naturarekin etengabeko harremana duen bidaia, baina, aldi berean, zenbaitetan harengandik urrun edo hari bizkarra emanda egin duguna.
