Etnografia
Etnografia saila 1947an sortu zen, elkartea sortzearekin batera, etnografiaren arloan euskal gizarteari buruzko ikerketak bultzatzeko asmoz. Garai bateko bizimoduak aztertu, ondareari buruzko eztabaidak zabaldu eta gizarte modernoan zein zeregin betetzen dituen ikertzea ditu helburu nagusi.
José Miguel Barandiarán izan zen 1953an, erbestetik itzuli ondoren, departamendua bultzatu zuena ikerlari talde bat osatuz.
Gaur egun, sailak barne hartzen ditu bai ikerketa etnografikoa, bai ondare-bildumen kudeaketa, katalogazioa, zaintza eta babesa, proiektu museografikoak eginez edo ondarea zabalduz.
Gure helburuak
- Euskal gizartearen ikerketa etnografikoa.
- Ondare etnografikoaren zainketa eta gordetzea.
- Ondarea euskal gizartearen artean zabaltzea.
Etnografia sailean adituak ditugu zuri laguntzeko
Zalantzak argitu eta zure galderei erantzungo diegu.
Gure proiektuak
Etnografia sailean praktikak egin nahi al dituzu?
Ziur ekarpen asko egin ahal dezakezula eta gure taldean nahi zaitugu.
Gure ibilbidea
1983
Gipuzkoako toponimia
Gipuzkoako Foru Aldundiak eskaturiko lana.
1989
Zaharkinak
Gipuzkoako Foru Aldundiak 17 udalerritan zehar antolatutako proiektua, Aranzadi Zientzia Elkartearen nahiz udalerrien eta partikularren kolaborazioarekin. Herritarrek beren jabetzako objektuak aldi baterako lagatzean zetzan, hauek ikusgai jartzeko eta katalogatzeko. Lana 2004ean amaitu zen.
1990
Euskalerriko Atlas Etnolinguistikoa
Euskararen dialekto nahiz azpieuskalkien aberastasuna jaso zituen bi liburukitan argitaratutako ikerketa.
1992
Herrikoi etxegintza eta garaixeen II. Europear Kongresoa
Etnografia Sailak antolatuta, Donostiako Miramar Jauregian ospatu zen, urriaren 22tik 25era.
2004
Euskal Etnografiaren XXV. Astea
Etnografia Sailak antolatuta, Donostiako Kutxa hitzaldi-aretoan ospatu zen, azaroaren 8tik 12ra.
2019
Bidebietako Etnografia Laborategiaren sorrera eta proiektu berriak
Etnografia saileko azken urteetako proiektu berriek ondarea katalogatu, ikertu eta lantzeko espazio berri baten beharra ekarri dute, eta horrela, Donostiako Udalari, Eusko Jaurlaritzako Hezkuntza Sailari eta Gipuzkoako Aldundiko Kultura Sailari esker Bidebietan tailer hau osatu da.
Sail
honekin
erlazionaturik
